شانگلہ میں کمرے کی چھت گرنے سے 6 بچے جاں بحق

شانگلہ کوزہ الپوری کے علاقے رحیم آباد باسی میں کمرے  کی چھت گر گئی جس کے نتیجے میں 6 بچے جان کی بازی ہارگئے ۔

تفصیلات کےمطابق چھت گرنے کا واقعہ گزشتہ رات پیش آیا تھا۔

یہ بھی پڑھیں : گوادر : دو کاروں میں تصادم ، بچے سمیت 7 افراد جاں بحق

ریسکیو حکام کے مطابق چھت گرنے سے 7 بچے ملبے تلے دب گئے تھے جن میں سے 6 بچے جاں بحق جبکہ ایک بچی معمولی زخمی ہوئی ہے ۔

ریسکیو حکام نے بتایا ہے کہ جاں بحق ہونے والوں میں 4 بچیاں اور 2 بچے شامل ہیں، جن کی عمریں 4 سے 15 سال کے درمیان تھیں۔

یہ بھی پڑھیں :اسلام آباد میں ریس لگاتی تیز رفتار گاڑیا ں کا ہولناک حادثہ،موٹر سائیکل سوار کچل دیے،4 افراد جاںبحق

حادثے کے بعد علاقے میں فضا سوگوار ہوگئی جبکہ اہلِ خانہ غم سے نڈھال ہیں ، جاں بحق بچوں کی تدفین مقامی قبرستان میں کی جائے گی۔