ثنا نواز کے نئے فوٹو شوٹ نے سوشل میڈیا پر بحث چھیڑ دی

پاکستانی شوبز انڈسٹری کی معروف اداکارہ ثنا نوازایک بار پھر سوشل میڈیا پر توجہ کا مرکز بن گئی ہیں۔ حال ہی میں ان کے ایک نئے فیشن فوٹو شوٹ کی تصاویر وائرل ہوئی ہیں، جن پر صارفین کی جانب سے ملے جلے ردعمل کا اظہار کیا جا رہا ہے۔

ثنا نواز نے فلمی دنیا میں کامیابی حاصل کرنے کے بعد ٹیلی ویژن انڈسٹری میں بھی اپنی منفرد شناخت بنائی۔ اداکارہ اپنی ذاتی زندگی میں مشکلات کا سامنا کرنے کے بعد برطانیہ منتقل ہوگئیں، جہاں وہ اپنے بیٹوں کے ساتھ مقیم ہیں۔ گزشتہ کچھ عرصے سے وہ مختلف بین الاقوامی فیشن اور ماڈلنگ مہمات کا حصہ بن رہی ہیں۔

یہ بھی پڑھیں :ریڈ کارپٹ ڈیبیو کے بعد کیٹی پیری اور جسٹن ٹروڈو کی محبت کے چرچے

حال ہی میں کینیڈا میں ہونے والے ایک فیشن فوٹو شوٹ میں ثنا نواز نے نیلے رنگ کا مرمیڈ کٹ، اسٹریپ لیس گاؤن زیب تن کیا۔ تصاویر اور ویڈیوز سوشل میڈیا پر سامنے آنے کے بعد تیزی سے وائرل ہوگئیں۔

اگرچہ کئی مداحوں نے اداکارہ کے اعتماد، انداز اور فیشن سینس کو سراہا، تاہم بعض سوشل میڈیا صارفین نے ان کے لباس پر تنقید بھی کی۔ کچھ صارفین کا کہنا تھا کہ یہ انداز بھارتی اداکارہ ایشوریا رائے کے کانز فلم فیسٹیول کے ایک مشہور لک سے مشابہت رکھتا ہے، جبکہ چند افراد نے اداکارہ کے لباس کے انتخاب پر مختلف آرا کا اظہار کیا۔

یہ بھی پڑھیں :عامر خان کی فلم نے بھکاری کو دکاندار بنا دیا

سوشل میڈیا پر جاری تبصروں میں بعض صارفین نے لباس کو عمر کے مطابق نہ ہونے کا مؤقف اختیار کیا، جبکہ دیگر نے اسے ذاتی پسند اور فیشن کے اظہار کا حصہ قرار دیا۔

واضح رہے کہ ثنا نواز ماضی میں بھی اپنے فیشن انتخاب اور سوشل میڈیا پوسٹس کے باعث خبروں میں رہ چکی ہیں۔ ان کا یہ تازہ فوٹو شوٹ بھی مداحوں اور ناقدین کے درمیان بحث کا موضوع بنا ہوا ہے۔