کوئٹہ میں انوکھی شادی، والد اور دو بیٹوں نے ایک ہی دن شادی رچا لی

بلوچستان کے دارالحکومت کوئٹہ میں ایک منفرد شادی کی تقریب نے لوگوں کی توجہ اپنی جانب مبذول کر لی، جہاں ایک والد اور ان کے دو بیٹوں نے ایک ہی دن اپنی اپنی شادیوں کی خوشیاں منائیں۔

اس غیرمعمولی تقریب میں والد نے اپنی تیسری شادی کی، جبکہ ان کے دونوں بیٹوں نے اپنی زندگی کی پہلی شادی ایک ہی روز انجام دی۔ منفرد نوعیت کی اس تقریب کی تصاویر اور ویڈیوز سوشل میڈیا پر بھی توجہ حاصل کر رہی ہیں۔

یہ بھی پڑھیں :پراسرار شخص نےچوروں کے خلاف انوکھا طریقہ اپنا لیا

خاندانی ذرائع کے مطابق مشترکہ شادی کی تقریب کا مقصد نہ صرف خاندان کے تمام افراد کی خوشیوں کو ایک ساتھ منانا تھا بلکہ اخراجات میں بچت اور خاندانی یکجہتی کو بھی فروغ دینا تھا۔

ماہرین کے مطابق ایک ہی خاندان میں والد اور بیٹوں یا ایک سے زیادہ بہن بھائیوں کی مشترکہ شادیوں کا انعقاد اگرچہ کم دیکھنے میں آتا ہے، تاہم دنیا کے مختلف ممالک میں ایسے منفرد واقعات وقتاً فوقتاً سامنے آتے رہتے ہیں۔ اس طرح کی تقریبات اپنے منفرد انداز اور خاندانی روایت کے باعث مقامی اور عالمی سطح پر بھی توجہ حاصل کرتی ہیں۔