عالمی منڈی میں خام تیل کی قیمتوں میں بڑا اضافہ

عالمی منڈی میں خام تیل کی قیمتوں میں ایک بار پھر نمایاں اضافہ ریکارڈ کیا گیا ہے ، خام تیل کی قیمتوں میں ساڑھے چار فیصد اضافے کے بعد برطانوی برینٹ کروڈ آئل 88 ڈالر فی بیرل جبکہ امریکی خام تیل 82 ڈالر فی بیرل کی سطح پر پہنچ گیا ہے۔

اس سے قبل برطانوی برینٹ کروڈ آئل کی قیمت 84.21 ڈالر فی بیرل تھی، جو ساڑھے چار فیصد اضافے کے بعد بڑھ کر 88 ڈالر فی بیرل ہوگئی۔ اسی طرح امریکی خام تیل کی قیمت 80.79 ڈالر فی بیرل تھی، جو اضافے کے بعد 82 ڈالر فی بیرل تک پہنچ گئی۔

 یہ بھی پڑھیں :امریکا کا ایران پر حملہ ،عالمی منڈی میں خام تیل کی قیمتوں میں ایک مرتبہ پھر بڑا اضافہ

عالمی منڈی میں خام تیل کی قیمتوں میں اضافے کی بڑی وجہ مشرق وسطیٰ میں جاری کشیدگی، سپلائی میں ممکنہ رکاوٹوں کے خدشات اور سرمایہ کاروں کی بڑھتی ہوئی تشویش ہے۔ ان عوامل کے باعث عالمی توانائی مارکیٹ میں غیر یقینی صورتحال برقرار ہے۔

خام تیل کی قیمتوں میں مسلسل اضافہ تیل درآمد کرنے والے ممالک کے لیے اضافی مالی بوجھ کا باعث بن سکتا ہے، جبکہ اس کے اثرات پیٹرول، ڈیزل، ٹرانسپورٹ، بجلی اور دیگر اشیائے ضروریہ کی قیمتوں پر بھی پڑنے کا امکان ہے۔

 یہ بھی پڑھیں :امریکا ایران کشیدگی : عالمی منڈی میں تیل کی قیمتوں میں مسلسل چوتھے روز بڑا اضافہ

پاکستان جیسے تیل درآمد کرنے والے ممالک میں بھی عالمی منڈی کے اس رجحان کو اہم قرار دیا جا رہا ہے، کیونکہ خام تیل مہنگا ہونے کی صورت میں آئندہ دنوں میں پیٹرولیم مصنوعات کی مقامی قیمتوں پر بھی دباؤ بڑھ سکتا ہے