تحریک انصاف اور جے یو آئی کے بڑوں کی ملاقات میں فضل الرحمن نے وزارت اعلیٰ و قومی اسمبلی میں عہدہ مانگ لیا، فیاض الحسن چوہان کا تہلکہ خیز انکشاف

سابق صوبائی وزیر فیاض الحسن چوہان نے جمیعت علمائے اسلام ف اور تحریک انصاف کے بڑوں کے درمیان ہونیوالی ملاقات سے متعلق  تہلکہ خیز انکشاف کیا ہے ۔

آزاد ڈیجیٹل کے پلیٹ فارم سے خصوصی گفتگو میں فیاض الحسن چوہان نے کہا  کہ پی ٹی آئی اور جے یو آئی ف کے لیڈروں کی حالیہ ملاقات میں مولانا فضل الرحمن نے حسب سابق تحریک انصاف کا ساتھ دینے کے عوض خیبرپختونخوا کی وزارت اعلی مانگ لی ہے اور خصوصی طور پر فضل الرحمن  نے اپنے بھائی عطالرحمن کیلئے وزارت اعلیٰ کیلئے عہدہ مانگا ہے ۔

ان کاکہنا تھا کہ میری اطلاع کے مطابق پی ٹی آئی کے وفد نے فضل الرحمن کو دوسری آپشن دی کہ آپ وزارت اعلیٰ کو چھوڑیں اور قومی اسمبلی کے اپوزیشن لیڈر بن جائیں ، آپ کے پاس وزارت کیلئے اتنی سیٹیں نہیں جسکے اوپر فضل الرحمن نے پی ٹی آئی کے بڑوں کو کہا کہ تم اگر چودھری پرویز الہی صاحب  کو دس سیٹوں کیساتھ پنجاب کا وزیراعلی بنا سکتے ہو تو میرے بھائی کو کیوں نہیں بنا سکتے ۔

🚨🚨بریکنگ نیوز: تحریک انصاف اور جے یو آئی کی ملاقات
جے یو آئی نے تحریک انصاف کا ساتھ دینے کے عوض خیبرپختونخوا کی وزارت اعلی اور قومی اسمبلی میں اپوزیشن لیڈر کا عہدہ مانگ لیا،علیمہ خان کی جانب سے اس معاملے پر پارٹی سے شدید اختلاف، فیاض الحسن چوہان کا تہلکہ خیز انکشاف… pic.twitter.com/baTT0SO1vQ

— Azaad Urdu (@azaad_urdu) July 21, 2026

سابق وزیر کا کہنا تھا کہ یہ سارا پروپوزل جب علیمہ باجی کے سامنے پیش کیا گیا تو علیمہ خان اور ان کے سارے گروپ نے اس پر انکار کیا کیونکہ  اس سے قبل اچکزئی و دیگر پی ٹی آئی کا سیاسی جنازہ نکال چکے ہیں لہذا اگر ایسا  ہوا کسی بھی قسم کی لیڈرشپ دی گئی  تو انہیں شک ہے کہ فضل الرحمن کو سیٹ کرنے کے چکر میں ہماری (پی ٹی آئی ) کی ساری جدوجہد کا کریڈٹ فضل الرحمن اور جے یو آئی ف لے جائے گی ۔

فیاض الحسن چوہان نے سربراہ جے یوآئی ف پر سخت تنقید کرتے ہوئے کہاکہ فضل الرحمن قربان جاؤں ساری وزارتیں اپنے خاندان کیلئے ، کیا زبردست آپ حقیقی جمہوریت کیلئے کام کررہے ہیں حق چار یار کے نظام پر آپ کیا منافقت کررہے ہیں ؟ عوام آپ کا چہرہ دیکھ چکی ہے، کوئی بھی سیاسی جماعت آپ کے دام میں نہیں آئیگی ، پیپلزپارٹی نے آپ کو دوسیتون کا دانہ ڈالا کشمیر میں آپ بس اسی کو لے کر بیٹھیں رہیں ۔

یہ بھی پڑھیں: مولانا فضل الرحمان کے اثر و رسوخ کا کمال، پی ٹی سی ایل انجینئر سے ڈی سی کراچی بننے تک بھائی ضیاء الرحمن کا حیرت انگیز سفر،سوشل میڈیا صارفین نے بھانڈا پھوڑ دیا