وزیراعظم شہباز شریف،فیلڈ مارشل سید عاصم منیر، سعودی ولی عہد اور ترک صدر نے قصر الصفا میں نماز جمعہ ادا کی

وزیراعظم محمد شہباز شریف، فیلڈ مارشل سید عاصم منیر ، سعودی ولی عہد و وزیراعظم شہزادہ محمد بن سلمان بن عبدالعزیز آل سعود اور ترکیہ کے صدر رجب طیب اردوان نے مکہ مکرمہ کے قصر الصفا میں نماز جمعہ ادا کی۔

اس موقع پر نائب وزیراعظم و وزیر خارجہ سینیٹر محمد اسحاق ڈار اور سعودی اور ترک حکام بھی موجود تھے۔

وزیراعظم شہباز شریف سعودی ولی عہد شہزادہ محمد بن سلمان کی دعوت پر سعودی عرب کے دورے پر ہیں، جہاں دونوں ممالک کی قیادت کے درمیان دوطرفہ تعلقات، دفاعی تعاون، اقتصادی شراکت داری اور علاقائی امور پر تبادلہ خیال کیا جا رہا ہے۔

یہ بھی پڑھیں: پاکستان ، سعودی عرب اور ترکیہ کے مابین تاریخی دفاعی معاہدہ ہو گیا

قصر الصفا میں نماز جمعہ کی ادائیگی کے موقع پر پاکستان، سعودی عرب اور ترکیہ کی اعلیٰ قیادت کی موجودگی کو تینوں ممالک کے درمیان قریبی برادرانہ اور سفارتی تعلقات کے تناظر میں اہم قرار دیا جا رہا ہے۔