اسلام آباد میں یومِ آزادی تقریبات کی تیاریاں مکمل، ٹریفک پلان جاری

اسلام آباد ٹریفک پولیس نے جشنِ آزادی کی تقریبات کے حوالے سے وفاقی دارالحکومت میں ٹریفک ڈائیورژن پلان جاری کردیا ہے۔

ہیوی ٹریفک

13 اگست کی رات 2 بجے سے 14 اگست کی رات 12 بجے تک وفاقی دارالحکومت میں ہیوی ٹریفک کے داخلے پر مکمل پابندی ہوگی۔

مرکزی تقریب

جشنِ آزادی کی مرکزی تقریب 13 اور 14 اگست کی درمیانی شب یادگارِ فتح، ایچ ایٹ میں منعقد ہوگی۔

ایکسپریس وے

تقریب کے دوران ایکسپریس وے کورال چوک سے آگے بند رہے گی، جبکہ سروس روڈ اور لہتراڑ روڈ کو متبادل راستے کے طور پر استعمال کیا جائے گا۔

جشن آزادی سے قبل لاہور میں موٹر سائیکل سواروں کے خلاف بڑا کریک ڈاؤن شروع

متبادل راستے

راولپنڈی سے اسلام آباد آنے والے شہری نائنتھ ایونیو، جناح ایونیو اور کھنہ فلائی اوور استعمال کرسکتے ہیں۔

ہسپتالوں تک رسائی

ہنگامی صورتحال میں الشفا، پمز اور پولی کلینک جانے والے شہری نائنتھ ایونیو اور مارگلہ روڈ استعمال کرسکتے ہیں۔

شہریوں کو ہدایت

اسلام آباد ٹریفک پولیس نے شہریوں سے ٹریفک پلان پر عمل کرنے اور سفر کے دوران متبادل راستے اختیار کرنے کی اپیل کی ہے۔

مزید معلومات

ٹریفک ڈائیورژن پلان سے متعلق مزید معلومات اسلام آباد ٹریفک پولیس کے سوشل میڈیا پیجز یا آئی ٹی پی ایف ایم 92.4 سے حاصل کی جاسکتی ہیں۔