پیٹرولیم ڈیلرز کے مطالبات منظور: پیٹرول اور ڈیزل کی قیمتوں میں فی لیٹر کتنا اضافہ ہوگا؟

حکومت نے پیٹرولیم مصنوعات پر ڈیلرز مارجن میں اضافے کی منظوری دے دی، جس کے نتیجے میں پیٹرول اور ہائی اسپیڈ ڈیزل کی قیمتوں پر فی لیٹر 2 روپے 68 پیسے کا اضافی بوجھ پڑے گا۔

وزیر خزانہ محمد اورنگزیب کی زیر صدارت اقتصادی رابطہ کمیٹی (ای سی سی) کے اجلاس میں پیٹرول اور ڈیزل پر ڈیلرز مارجن میں نظرثانی سے متعلق پٹرولیم ڈویژن کی سمری کی منظوری دی گئی۔

ذرائع کے مطابق پیٹرول اور ڈیزل دونوں پر ڈیلرز مارجن میں ایک روپے 34 پیسے فی لیٹر اضافہ کیا گیا ہے۔ اس اضافے کے بعد دونوں مصنوعات پر مجموعی ڈیلرز مارجن 9 روپے 98 پیسے فی لیٹر ہوجائے گا، جبکہ اس سے قبل یہ مارجن 8 روپے 64 پیسے فی لیٹر تھا۔

یہ بھی پڑھیں: گاڑی اور موٹر سائیکل چلانے والوں کے لیے پیٹرول سے متعلق بڑی خبر

ذرائع کے مطابق پیٹرول اور ڈیزل پر الگ الگ مارجن میں اضافے کے باعث دونوں مصنوعات کی فی لیٹر قیمت پر مجموعی طور پر 2 روپے 68 پیسے کا اضافی بوجھ پڑے گا۔

ای سی سی نے پٹرولیم مصنوعات کے ڈیلرز مارجن میں نظرثانی کی پٹرولیم ڈویژن کی سمری کا جائزہ لینے کے بعد اس کی منظوری دی۔

حکومت کے اس فیصلے کے بعد پیٹرول اور ہائی اسپیڈ ڈیزل کی قیمتوں کے آئندہ تعین میں ڈیلرز مارجن کے نئے نرخ شامل کیے جائیں گے۔