امریکہ سے مذاکرات بارے ابھی کوئی فیصلہ نہیں ہوا ،عباس عراقچی

 ایرانی وزیر خارجہ عباس عراقچی نے کہا ہے کہ امریکا کے ساتھ مذاکرات دوبارہ شروع کرنے کے حوالے سے ابھی کوئی فیصلہ نہیں کیا گیا۔

ایرانی وزیر خارجہ عباس عراقچی نے اپنے بیان میں کہا کہ امریکا کے ساتھ مذاکرات کے معاملے پر ایران کی جانب سے فی الحال کوئی حتمی فیصلہ نہیں کیا گیا۔ ان کا کہنا تھا کہ دونوں ممالک کے درمیان رابطوں کے حوالے سے مختلف ذرائع سے پیغامات کا تبادلہ ضرور جاری ہے تاہم اسے براہ راست مذاکرات کا آغاز قرار نہیں دیا جاسکتا۔

 یہ بھی پڑھیں :امریکا کسی بھی ایڈونچر سے باز رہے ، ایرانی وزیرخارجہ عباس عراقچی کا انتباہ

عباس عراقچی نے کہا کہ پاکستان اور قطر ثالث ممالک کی حیثیت سے ایران کے ساتھ پیغامات کا تبادلہ کر رہے ہیں۔ انہوں نے واضح کیا کہ ثالث ممالک کے ذریعے پیغامات کا تبادلہ ہونا اس بات کا ثبوت نہیں کہ ایران اور امریکا کے درمیان مذاکرات دوبارہ شروع ہوگئے ہیں۔

یران اور امریکا کے درمیان کشیدگی کے پس منظر میں دونوں ممالک کے درمیان کسی بھی ممکنہ مذاکرات کو اہم پیش رفت تصور کیا جارہا ہے۔ تاہم ایرانی وزیر خارجہ کے تازہ بیان سے واضح ہوتا ہے کہ فی الحال تہران کی جانب سے مذاکرات دوبارہ شروع کرنے کے حوالے سے کوئی حتمی پیش رفت سامنے نہیں آئی۔

عباس عراقچی نے اپنے بیان میں اس بات پر زور دیا کہ پیغامات کا تبادلہ اپنی جگہ، لیکن اسے مذاکرات کا متبادل نہیں سمجھا جاسکتا۔ ان کے مطابق جب تک مذاکرات دوبارہ شروع کرنے کے بارے میں باقاعدہ فیصلہ نہیں ہوتا دونوں ممالک کے درمیان براہ راست مذاکرات کی بحالی کی بات قبل از وقت ہوگی۔

 یہ بھی پڑھیں :امریکا کیساتھ جنگ اس وقت ختم ہوگی جب ایران کو برتری حاصل ہوگی ، عباس عراقچی

ایرانی وزیر خارجہ کے بیان کے بعد یہ بات ایک مرتبہ پھر سامنے آئی ہے کہ ایران اور امریکا کے درمیان سفارتی رابطوں کے باوجود مذاکرات کی بحالی کے حوالے سے صورتحال ابھی غیر واضح ہے۔ فریقین کے درمیان آئندہ رابطے اور ثالث ممالک کی کوششیں اس معاملے میں اہم کردار ادا کرسکتی ہیں۔