پریکٹس میچ کےد وران زخمی ہونیوالے بابر اعظم کو آرام کرنے کا مشورہ

 پاکستان کرکٹ بورڈ نے پریکٹس میچ کے دوران دائیں ہاتھ پر گیند لگنے سے زخمی ہونے والے قومی ٹیسٹ کپتان بابراعظم کی انجری سے متعلق اہم اپ ڈیٹ جاری کردی۔

بابراعظم کینٹ کاؤنٹی کرکٹ کلب میں جاری تین روزہ پریکٹس میچ کے دوسرے روز سلیکٹ الیون کے خلاف بیٹنگ کرتے ہوئے دائیں ہاتھ پر گیند لگنے سے زخمی ہوگئے۔ گیند لگنے کے بعد قومی کپتان مزید بیٹنگ جاری نہ رکھ سکے اور ریٹائرڈ ہرٹ ہوکر میدان سے باہر چلے گئے۔

پاکستان کرکٹ بورڈ کے مطابق ٹیم ڈاکٹر نے بابراعظم کا معائنہ کیا اور انجری کے پیش نظر انہیں پریکٹس میچ کے بقیہ وقت میں آرام کرنے کا مشورہ دیا گیا ہے۔ بورڈ کی جانب سے بتایا گیا ہے کہ بابراعظم کی حالت کا جائزہ لینے کے بعد احتیاطی طور پر انہیں مزید کھیلنے سے روک دیا گیا۔

 یہ بھی پڑھیں :بابراعظم نے یومِ آزادی پر سبز ہلالی پرچم کیساتھ تصویر شیئر کردی، قوم کے نام کیا پیغام دیا؟

پی سی بی کے مطابق بابراعظم 17 اگست بروز پیر ہیڈنگلے کرکٹ گراؤنڈ میں پاکستانی ٹیم کے پریکٹس سیشن میں شرکت کریں گے۔ قومی ٹیم کے پریکٹس سیشن میں بابراعظم کی شرکت سے متعلق فیصلہ ان کی طبی صورتحال کو مدنظر رکھتے ہوئے کیا جائے گا۔

بابراعظم کو اس سے قبل ویسٹ انڈیز کے خلاف پورٹ آف اسپین میں بھی اسی ہاتھ پر گیند لگی تھی۔ تازہ پریکٹس میچ کے دوران ایک مرتبہ پھر اسی ہاتھ پر گیند لگنے کے بعد انہیں احتیاطی طور پر آرام دیا گیا ہے۔

پریکٹس میچ کے دوسرے روز پاکستان نے سلیکٹ الیون کی پہلی اننگز کے 305 رنز کے جواب میں اپنی اننگز جاری رکھی۔ پاکستان نے کھیل کے اختتام تک دو وکٹوں کے نقصان پر 120 سے زائد رنز بنالیے تھے۔

سلیکٹ الیون کی ٹیم اپنی پہلی اننگز میں 305 رنز بنا کر آؤٹ ہوئی۔ پاکستان کی جانب سے محمد عباس اور محمد علی نے عمدہ باؤلنگ کا مظاہرہ کرتے ہوئے تین، تین وکٹیں حاصل کیں۔

 یہ بھی پڑھیں :کرکٹ کی دنیا ایک عظیم ستارے سے محروم، سر گیری سوبرز کے انتقال پر بابر اعظم کا جذباتی پیغام

بابراعظم کا زخمی ہونا قومی ٹیم کے لیے اہم معاملہ ہے، تاہم پاکستان کرکٹ بورڈ کی جانب سے جاری اپ ڈیٹ کے مطابق انہیں فی الحال آرام کا مشورہ دیا گیا ہے اور وہ آئندہ پریکٹس سیشن میں شرکت کریں گے۔

قومی ٹیم کے انتظامی اور طبی حکام بابراعظم کی انجری پر نظر رکھے ہوئے ہیں۔ ان کی آئندہ سرگرمیوں کا فیصلہ طبی معائنے اور فٹنس کی صورتحال کو دیکھتے ہوئے کیا جائے گا۔

بابراعظم پاکستان کی ٹیسٹ ٹیم کے اہم ترین بلے بازوں میں شمار ہوتے ہیں اور ان کی فٹنس قومی ٹیم کے لیے خاصی اہمیت رکھتی ہے۔ یہی وجہ ہے کہ پریکٹس میچ کے دوران انجری کے بعد ان کی صحت سے متعلق پیش رفت پر کرکٹ شائقین کی نظریں مرکوز ہیں۔