ڈگری کے لیے 10 درخت لگانا لازمی، ماحولیاتی تحفظ کے لیے منفرد قانون سازی

فلپائن نے جنگلات کی کٹائی اور موسمیاتی تبدیلی سے نمٹنے کے لیے ایک منفرد ماحولیاتی اقدام متعارف کرایا ہے، جس کے تحت طلبہ کو تعلیمی ڈگری یا ڈپلومہ حاصل کرنے سے پہلے کم از کم 10 درخت لگانا ہوں گے۔

 ماحولیاتی تحفظ کے لیے گریجویشن ورثہ ایکٹکے تحت پرائمری، ہائی اسکول اور یونیورسٹی سے فارغ التحصیل ہونے والے طلبہ کے لیے درخت لگانا لازمی قرار دیا گیا ہے۔اس اقدام کا مقصد طلبہ میں ماحولیاتی تحفظ کا شعور پیدا کرنے کے ساتھ ساتھ ملک میں جنگلات کے رقبے میں اضافہ کرنا اور موسمیاتی تبدیلی کے اثرات سے نمٹنے میں مدد دینا ہے۔

یہ بھی پڑھیں:جس ملک کے پاس فوج ہی نہیں، وہ 19ویں بار دنیا کا پُرامن ترین ملک بن گیا

دستیاب معلومات کے مطابق اگر تمام طلبہ اس پروگرام کے تحت درخت لگائیں تو ہر سال تقریباً 17 کروڑ 50 لاکھ نئے درخت لگائے جاسکتے ہیں۔ یہ اقدام ماحول کے تحفظ کے لیے ایک منفرد مثال کے طور پر پیش کیا جا رہا ہے، جس میں تعلیمی کامیابی کو ماحولیاتی ذمہ داری کے ساتھ جوڑنے کی کوشش کی گئی ہے۔