ڈرائیور لیس گاڑی حادثہ: اسلام آباد پولیس نے طالب علم کے خلاف کارروائی کیوں نہ کی؟

وفاقی دارالحکومت میں گزشتہ روز ڈرائیور لیس گاڑی کے پولیس موبائل سے ٹکرانے کی ویڈیو وائرل ہونے کے بعد اسلام آباد پولیس کی باضابطہ وضاحت سامنے آگئی، پولیس نے نوجوان طالب علم کے خلاف کسی بھی قسم کی کارروائی کے بجائے اس کے ٹیلنٹ کی حوصلہ افزائی کی ہے۔

تفصیلات کے مطابق ایس پی سٹی ڈاکٹر ایاز حسین نے کامسیٹس یونیورسٹی ایبٹ آباد کے کمپیوٹر انجینئرنگ کے طالب علم احسان ظفر عباسی کے ہمراہ ایک ویڈیو پیغام جاری کرتے ہوئے واقعے کی تمام تر تفصیلات واضح کیں۔

ایس پی سٹی ڈاکٹر ایاز حسین نے ویڈیو بیان میں کہا کہ واقعے کی مکمل انکوائری کی گئی، جس میں کسی قسم کی بدنیتی یا جرم کا عنصر نہیں پایا گیا۔

یہ بھی پڑھیں: ڈرائیونگ لائسنس بنوانے والوں کے لیے فیسوں کے حوالے سے بڑی خبر

انہوں نے کہا کہ نوجوان اپنی نئی ایجاد کا ٹیسٹ رن کر رہا تھا اور حادثہ محض ایک انسانی غلطی کے باعث پیش آیا۔ ان کا کہنا تھا کہ نوجوان ہمارا قیمتی اثاثہ اور ملک کا روشن مستقبل ہیں، جن کی ہم مکمل سپورٹ کرتے ہیں۔

سوشل میڈیا پر پولیس وین سے ٹکرانے والی گاڑی کی وائرل ویڈیو کا معاملہ۔

پولیس گاڑی سے ٹکرانے والی گاڑی کے معاملے پر ایس پی سٹی زون ڈاکٹر ایاز حسین کا نوجوان کے ہمراہ ویڈیو پیغام ملاحظہ کیجیے۔#WeRIslamabadPolice pic.twitter.com/wnbkNaP102

— Islamabad Police (@ICT_Police) September 1, 2026

طالب علم احسان ظفر عباسی نے واقعے کی وضاحت کرتے ہوئے بتایا کہ وہ 2018 سے انٹرنیٹ سے کنٹرول ہونے والی ڈرائیور لیس کار کے پروجیکٹ پر کام کر رہے ہیں۔

انہوں نے بتایا کہ انٹرویو کے دوران کیمرہ مین کے کہنے پر موبائل دکھاتے ہوئے غلطی سے دائیں کے بجائے بائیں کا بٹن دب گیا، جس کے باعث کمانڈ تبدیل ہوگئی اور گاڑی موڑ کاٹتے ہوئے سامنے موجود پولیس وین سے جا ٹکرائی۔

یہ بھی پڑھیں: پنجاب میں ڈرائیونگ لائسنس کی ہوم ڈیلیوری کا نظام تبدیل

احسان ظفر نے معاملے کو سمجھنے، تکنیکی پہلوؤں کا جائزہ لینے اور مثبت تعاون فراہم کرنے پر اسلام آباد پولیس اور بالخصوص ایس پی سٹی کا شکریہ ادا کیا۔

طالب علم نے مستقبل میں بھی پاکستان کا نام روشن کرنے کے عزم کا اظہار کیا