ویمنز ایشیا کپ ، پاکستان نے سیمی فائنل کے لیے کوالیفائی کرلیا

ویمنز ایشیا کپ میں پاکستان ویمنز ٹیم نے ہانگ کانگ ویمنز کو 72 رنز سے شکست دے کر سیمی فائنل میں جگہ بنا لی۔

دبئی میں کھیلے گئے میچ میں پاکستان نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 143 رنز بنائے۔ شوال ذوالفقار 47 اور عائشہ ظفر 26 رنز کے ساتھ نمایاں رہیں، جبکہ کپتان فاطمہ ثنا نے 24 رنز کی ناقابلِ شکست اننگز کھیلی۔

 یہ بھی پڑھیں :ویمنز ایشیا کپ رائزنگ اسٹارز، پاکستان کی شاندار فتح، یو اے ای کو ہرا کر سیمی فائنل میں جگہ بنا لی

ہدف کے تعاقب میں ہانگ کانگ کی پوری ٹیم پاکستانی اسپنر نشرہ سندھو کی تباہ کن بولنگ کے سامنے صرف 71 رنز پر ڈھیر ہوگئی۔

نشرہ سندھو نے شاندار کارکردگی کا مظاہرہ کرتے ہوئے 7 رنز دے کر 6 وکٹیں حاصل کیں جو پاکستان ویمنز کی ٹی20 تاریخ میں بہترین بولنگ کا ریکارڈ ہے۔

  یہ بھی پڑھیں :پاکستان ویمنز ٹیم نے آئی سی سی ورلڈ کپ کیلئے کوالیفائی کر لیا

پاکستان نے 72 رنز سے کامیابی حاصل کرکے ایونٹ کے سیمی فائنل کے لیے کوالیفائی کرلی جہاں اُس کا مقابلہ 11 ستمبر کو سری لنکا ویمنز ٹیم سے ہوگا۔