آپریشن ردالفتنہ III، واشک میں پانچ دہشت گرد واصل جہنم، 4 زخمی

واشک میں سیکیورٹی فورسز نے آپریشن ردالفتنہ تھری کے تحت کارروائی کرتے ہوئے 5 دہشت گردوں کوواصل جہنم  کردیا ۔   4 کو زخمی ۔

کارروائی بلوچستان کے علاقے پلانتک میں کی گئی جہاں دہشت گردوں کی موجودگی سے متعلق خفیہ اطلاعات موصول ہوئی تھیں۔

سیکیورٹی فورسز کے مطابق کارروائی کے دوران جدید اسلحہ اور گولہ بارود بھی برآمد کیا گیا۔

 یہ بھی پڑھیں ؛سیکورٹی فورسز کا بلوچستان کے ضلع قلات میں آپریشن،4بھارتی اسپانسرڈ دہشتگرد ہلاک

12 اکتوبر 2026 کو جاری کردہ تفصیلات کے مطابق سیکیورٹی فورسز نے انٹیلی جنس اطلاعات کی بنیاد پر دہشت گردوں کے خلاف آپریشن کیا۔

 انجام کو پہنچنے والے دہشتگرد بلوچ عوام کو لوٹنے، علاقے میں خوف و ہراس پھیلانے اور بنیادی ڈھانچے کو نقصان پہنچانے میں ملوث تھے۔

 اسلحہ اور گولہ بارود برآمد

سیکیورٹی فورسز کے مطابق کارروائی کے دوران دہشت گردوں کے قبضے سے جدید اسلحہ اور گولہ بارود برآمد ہوا۔ برآمد ہونے والے سامان میں آر پی جی سیون کے 5 گولے شامل ہیں۔

 سکیورٹی ذرائع کے مطابق کارروائی کے دوران میگزینز سمیت 5 جدید ہتھیار، 3 موبائل فون اور 2 موٹر سائیکلیں بھی قبضے میں لی گئیں۔

 یہ بھی پڑھیں :آپریشن شعبان 2: کوئٹہ سیرکی کچ محور میں سکیورٹی فورسز کی کارروائی، فتنہ الہندوستان کے 10 دہشت گرد ہلاک

سیکیورٹی فورسز کے مطابق برآمد ہونے والا اسلحہ اور گولہ بارود بلوچ عوام کی ٹارگٹ کلنگ میں استعمال کیا جانا تھا۔

تاہم بیان میں اس دعوے کے حوالے سے کسی مخصوص منصوبے، ہدف یا واقعے کی مزید تفصیلات فراہم نہیں کی گئیں۔

آپریشن جاری رکھنے کا اعلان

سیکیورٹی فورسز نے اپنے بیان میں کہا کہ آپریشن ردالفتنہ سوم کے تحت دہشت گردوں کے خلاف کارروائیاں جاری ہیں۔

ان کارروائیوں کا مقصد دہشت گردوں کا خاتمہ ہے اور یہ سلسلہ آخری دہشت گرد کے خاتمے تک جاری رہے گا۔

واشک کے علاقے پلانتک میں ہونے والی کارروائی بلوچستان میں سیکیورٹی سے متعلق جاری اقدامات کا حصہ ہے۔