پی ٹی آئی حکومت کی ایک اور نا اہلی انسانی جانیں نگل گئی، دیر کالونی میں اسکول کی چھت گرنے سے ایک معلمہ سمیت جاں بحق بچوں کی تعداد 21 ہوگئی، 47 زخمی

پشاور میں دیر کالونی میں اسکول کی چھت گرنے کے دلخراش حادثے کے نتیجے میں معلمہ سمیت جاں بحق بچوں کی تعداد 21 ہوگئی، جبکہ 47 زخمی بچوں کو لیڈی ریڈنگ اسپتال منتقل کر دیا گیا ہے۔

پشاور کی دیر کالونی میں پیش آنے والے اس المناک واقعے نے پورے علاقے کو سوگ میں ڈبو دیا ہے۔ مقامی اسکول کی چھت اچانک گرنے سے عمارت ملبے کا ڈھیر بن گئی، جس کے نتیجے میں ابتدائی طور پر21 معصوم بچے اور اساتذہ جاں بحق ہو گئے جبکہ 47 افراد شدید زخمی حالت میں اسپتال منتقل کیے گئے۔

یہ بھی پڑھیں:بلاول کے سندھ میں سرکاری اسکول کی خستہ حالی، چھت کا پلستر گرنے سے 3 طلبہ زخمی

صورتحال اس وقت مزید ابتر ہو گئی جب لیڈی ریڈنگ اسپتال میں زیر علاج زخمیوں میں سے 21 بچے جانبر نہ ہو سکے اور دم توڑ گئے، جس سے سانحے کی شدت میں مزید اضافہ ہو گیا ہے۔

ریسکیو آپریشن اور اسپتال میں ہنگامی صورتحال

حادثے کی اطلاع ملتے ہی ریسکیو ٹیمیں فوری طور پر جائے وقوعہ پر پہنچیں اور امدادی کارروائیاں شروع کر دیں۔ ملبے تلے دبے دیگر معصوم بچوں اور اساتذہ کو نکالنے کے لیے ہیوی مشینری کا استعمال کیا جا رہا ہے، جبکہ خدشہ ظاہر کیا جا رہا ہے کہ ملبے کے نیچے مزید افراد بھی دبے ہو سکتے ہیں۔

دوسری جانب لیڈی ریڈنگ اسپتال میں ایمرجنسی نافذ کر دی گئی ہے جہاں ڈاکٹرز اور طبی عملہ زخمیوں کی جان بچانے کے لیے ہنگامی بنیادوں پر مصروفِ عمل ہے تاکہ زیادہ سے زیادہ زندگیاں بچائی جا سکیں۔

مزید پڑھیں:پی ٹی آئی نے ساڑھے 13 سال میں خیبر پختونخوا کو پتھر کے زمانے میں دھکیل دیا، لیگی رہنماؤں کی مشترکہ پریس کانفرنس

اس دلخراش سانحے نے تعلیمی اداروں کی عمارات کی خستہ حالی اور سرکاری سطح پر حفاظتی انتظامات کے فقدان کو بے نقاب کر دیا ہے۔

صوبے میں برسراقتدار پی ٹی آئی حکومت کی جانب سے تعلیمی اداروں کی نگرانی، حفاظتی آڈٹ اور بنیادی ڈھانچے کی بہتری کے لیے مؤثر اقدامات نہ اٹھانے کو اس انسانی المیے کی بڑی وجہ قرار دیا جا رہا ہے۔

ماضی میں بھی سرکاری اور نجی اسکولوں کی عمارات کے حوالے سے متعدد بار وارننگز جاری کی جاتی رہی ہیں، لیکن زمینی سطح پر عملی اقدامات نہ ہونے کے باعث اس قسم کے سانحات بار بار جنم لیتے ہیں، جو حکومتی نااہلی اور مجرمانہ غفلت کی واضح عکاسی کرتے ہیں۔