سوشل میڈیا اسٹار نے اپنے نئے انداز سے سب کو حیران کر دیا، بھاری بھرکم لباس کو سنبھالنا بھی کسی چیلنج سے کم نہیں۔
بھارتی سوشل میڈیا اسٹار اور اداکارہ عرفی جاوید ایک بار پھر اپنے منفرد فیشن انداز کے باعث خبروں کی زینت بن گئی ہیں۔ اس بار انہوں نے تقریباً 13 ہزار چوڑیوں سے تیار کردہ ایسا لباس پہنا ہے جس کا وزن 20 کلوگرام بتایا جا رہا ہے۔
عرفی جاوید نے اپنے نئے لباس کی ویڈیو سوشل میڈیا پر شیئر کی، جس میں وہ رنگ برنگی چوڑیوں سے تیار کردہ منفرد لباس میں دکھائی دے رہی ہیں۔ میڈیا رپورٹس کے مطابق اس لباس کی تیاری میں تقریباً 13 ہزار چوڑیوں کا استعمال کیا گیا ہے، جبکہ اس کا مجموعی وزن 20 کلوگرام ہے۔
اتنا بھاری لباس پہننا اور اسے سنبھال کر چلنا یقیناً آسان نہیں، تاہم عرفی جاوید نے اپنے اس غیر معمولی فیشن تجربے سے ایک بار پھر سوشل میڈیا صارفین کی توجہ حاصل کر لی ہے۔
واضح رہے کہ عرفی جاوید اس سے قبل بھی اپنے منفرد اور غیر روایتی ملبوسات کی وجہ سے خبروں میں رہ چکی ہیں۔ وہ شیشے کے ٹکڑوں، تاروں اور روزمرہ استعمال کی دیگر غیر معمولی اشیا سے تیار کردہ لباس پہن کر کئی مرتبہ سوشل میڈیا پر بحث چھیڑ چکی ہیں۔
عرفی جاوید کے فیشن تجربات جہاں بعض لوگوں کو حیران کرتے ہیں، وہیں ان کے منفرد انداز کو پسند کرنے والے مداح بھی بڑی تعداد میں موجود ہیں۔
By 
