چھ روز میں سونے کی قیمت مسلسل نیچے آگئی،فی تولہ بڑی کمی سے مارکیٹ میں ہلچل

چھ روز میں سونے کی قیمت مسلسل نیچے آگئی،فی تولہ بڑی کمی سے مارکیٹ میں ہلچل

ملکی صرافہ مارکیٹ میں سونے کی قیمتوں میں مسلسل چھٹے روز بھی کمی ریکارڈ کی گئی ہے، جس کے نتیجے میں فی تولہ سونا مزید 2 ہزار روپے سستا ہوگیا جبکہ عالمی مارکیٹ میں بھی سونے کی قیمت میں گراوٹ کا سلسلہ برقرار ہے۔

آل صرافہ ایسوسی ایشن کے مطابق ملک بھر کی صرافہ مارکیٹوں میں 24 کیرٹ فی تولہ سونے کی قیمت 2 ہزار روپے کی کمی کے بعد 4 لاکھ 8 ہزار 936 روپے پر آگئی ہے۔ اسی طرح 10 گرام سونے کی قیمت میں ایک ہزار 715 روپے کی کمی ریکارڈ کی گئی، جس کے بعد نئی قیمت 3 لاکھ 50 ہزار 596 روپے ہوگئی۔

سونے کی قیمتوں میں مسلسل چھ روز سے جاری کمی نے مقامی مارکیٹ میں مجموعی رجحان کو تبدیل کردیا ہے۔ خریداروں اور سرمایہ کاروں کی توجہ بھی سونے کی قیمتوں میں ہونے والی روزانہ کی تبدیلیوں پر مرکوز ہے جبکہ مسلسل کمی کے باعث سونا خریدنے کے خواہش مند افراد کو نسبتاً کم قیمت پر خریداری کا موقع مل رہا ہے۔

یہ بھی پڑھیں:خیبر پختونخوا میں مائننگ مافیا اور دہشت گردوں کا خطرناک گٹھ جوڑ بے نقاب؛ کوہاٹ حملے میں ہلاک دہشت گرد افغان شہری نکلا

دوسری جانب چاندی کی قیمت میں بھی کمی ریکارڈ کی گئی ہے۔ فی تولہ چاندی 115 روپے سستی ہونے کے بعد 5 ہزار 228 روپے کی ہوگئی ہے۔

عالمی مارکیٹ میں بھی سونے کی قیمت میں کمی کا رجحان برقرار ہے جہاں فی اونس سونا 20 ڈالر کی کمی کے بعد 3 ہزار 864 ڈالر پر آگیا ہے۔

عالمی منڈی میں سونے کی قیمتوں میں کمی کے اثرات مقامی صرافہ مارکیٹ میں بھی دیکھے جا رہے ہیں جہاں مسلسل چھٹے روز قیمتیں نیچے آنے سے سونے اور چاندی دونوں کی قدر میں کمی ریکارڈ کی گئی ہے۔

Qaisar Mirza
editor

Related Articles