بھارتی  کرکٹرز نے چیمپیئنز ٹرافی کا فائنل روایتی حریفوں کے درمیان کھیلے جانے کی خواہش ظاہر کر دی

بھارتی  کرکٹرز نے چیمپیئنز ٹرافی کا فائنل روایتی حریفوں پاکستان اور انڈیا کے درمیان کھیلے جانے کی خواہش ظاہر کردی۔

بھارتی کھلاڑیوں نے خواہش کا اظہار کیا کہ فائنل پاکستان اور بھارت کے درمیان ہونا چاہیے۔

بھارت کے آل راؤنڈر اکثر پٹیل کا کہنا تھا کہ پاک بھارت فائنل ہوجائے تو سب ہی کو بہت مزہ آئے گا، شائقین بھی اس فائنل سے خوب لطف اندوز ہوں گے۔

اس بار پاکستان جیتے گا، بھارت جیت کر دکھائے، مہاکمبھ میلے کے بابا کا دعویٰ

فاسٹ بائولر محمد شامی کا کہنا تھا کہ  اگر فائنل دلچسپ بنانا ہے تو مقابلہ پاکستان کے ساتھ ہونا چاہیے، انہوں نے کہا کہ ایسا لگ رہا ہے کہ فائنل نیوزی لینڈ کی ٹیم کھیلے گی۔

دوسری جانب رویندرا جدیجا نے کہا کہ کوئی بھی ٹیم فائنل میں آ جائے بس بھارتی ٹیم بھی فائنل کیلئے کوالیفائی کر جائے۔