سیمنٹ کی قیمت میں کمی، فی بوری کی قیمت کیا ہے؟ تفصیل جانئے

ملک میں گزشتہ ہفتے کے دوران سیمنٹ کی ریٹیل قیمتوں میں معمولی کمی دیکھنے میں آئی ہے۔ پاکستان بیورو برائے شماریات کے اعدادوشمار کے تحت 30 اکتوبر کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1364 روپے ریکارڈ کی گئی، جو پیوستہ ہفتے کے مقابلے میں 0.35 فیصد کم ہے۔ گزشتہ ہفتے شمالی شہروں میں فی بوری کی اوسط قیمت 1369 روپے تھی۔

اعدادوشمار کے مطابق ملک کے جنوبی شہروں میں اسی ہفتے کے دوران سیمنٹ کی فی بوری کی اوسط ریٹیل قیمت 1441 روپے ریکارڈ کی گئی، جو پیوستہ ہفتے کے دوران بھی 1441 روپے ہی تھی، یعنی جنوبی شہروں میں قیمتوں میں کوئی تبدیلی نہیں ہوئی۔

پاکستان بیورو برائے شماریات کے مطابق 30 اکتوبر کو ختم ہونے والے ہفتے کے دوران مختلف شہروں میں سیمنٹ کی فی بوری قیمت درج ذیل رہی:
اسلام آباد میں 1345 روپے، راولپنڈی 1346 روپے، گوجرانوالہ 1400 روپے، سیالکوٹ 1350 روپے، لاہور 1406 روپے، فیصل آباد 1380 روپے، سرگودھا 1360 روپے، ملتان 1378 روپے، بہاولپور 1407 روپے، پشاور 1334 روپے اور بنوں میں سیمنٹ کی فی بوری کی اوسط ریٹیل قیمت 1300 روپے ریکارڈ کی گئی۔

یہ بھی پڑھیں: سونا ہوا مہنگا ! فی تولہ قیمت میں ایک بار پھر اضافہ

جنوبی شہروں میں قیمتوں کی تفصیل کے مطابق کراچی میں فی بوری 1369 روپے، حیدرآباد 1427 روپے، سکھر 1500 روپے، لاڑکانہ 1407 روپے، کوئٹہ 1500 روپے جبکہ خضدار میں سیمنٹ کی فی بوری کی اوسط ریٹیل قیمت 1443 روپے ریکارڈ کی گئی۔

اعدادوشمار ظاہر کرتے ہیں کہ شمالی علاقوں میں سیمنٹ کی قیمتوں میں معمولی کمی آئی ہے جبکہ جنوبی علاقوں میں استحکام برقرار ہے۔ ماہرین کے مطابق تعمیراتی سرگرمیوں اور طلب میں معمولی اتار چڑھاؤ قیمتوں پر اثرانداز ہو رہا ہے، تاہم مجموعی طور پر سیمنٹ کی قیمتوں میں استحکام برقرار ہے۔