پنجاب میں بھاری ٹریفک چالانوں سے تنگ ٹرانسپورٹرز کا احتجاج کا اعلان

پنجاب میں بھاری ٹریفک چالانوں سے تنگ آئی ٹرانسپورٹ ایکشن کمیٹی نے 8 دسمبر کو ہڑتال کا اعلان کردیا۔

ذرائع ابلاغ کی رپورٹس کے مطابق پنجاب بھر میں ٹریفک چالانوں کی بھرمار کے معاملے پر راولپنڈی میں ٹرانسپورٹ ایکشن کمیٹی نے 8 دسمبر مکمل ہڑتال کا اعلان کر دیا۔

ٹرانسپورٹ ایکشن کمیٹی نے کہا کہ دوسرے مرحلے میں دس دسمبر کو مکمل پبلک اور گڈز ٹرانسپورٹ کی ہڑتال ہوگی۔ اُدھر اسلام آباد ٹرانسپورٹ فیڈریشن نے بھی ہڑتال حمایت اعلان کر دیا اور نائب صدر نے کہا کہ بھاری جرمانے ناقابل قبول مکمل ہڑتال کرینگے۔

قبل ازیں پنجاب حکومت نے ٹریفک قوانین کی خلاف ورزی کرنے والوں کے لیے بھاری جرمانوں کا قانون سازی مکمل کر لی ہے۔ محکمہ قانون نے گورنر پنجاب کی منظوری کے بعد گاڑیوں کے جرمانوں کا آرڈیننس جاری کیا۔

مزید پڑھیں: شہری ای چالان آنے کے بعد اپنی ٹریفک خلاف ورزیوں سے کس طرح باخبر رہیں؟

آرڈیننس کے تحت تیز رفتاری موٹرسائیکل 2 ہزار روپے، موٹر کار 5 ہزار روپےٹریفک سگنل کی خلاف ورزی تھری ویلر 3 ہزار، کار 5 ہزار، 2000 سی سی تک کی گاڑی 10 ہزار، 2000 سی سی سے زائد گاڑی 15 ہزاراوورلوڈنگ تھری ویلر 3 ہزار، 2000 سی سی سے کم گاڑی 5 ہزار، 2000 سی سی سے زائد گاڑی 10 ہزار، ٹریلر 15 ہزاردھواں چھوڑنے والی گاڑیاں موٹرسائیکل ہزار، تھری ویلر 3 ہزار، بڑی گاڑی 8 ہزار، پبلک ٹرانسپورٹ 15 ہزار

محکمہ قانون کا کہنا ہے کہ یہ اقدام شہریوں کی حفاظت اور سڑکوں پر نظم و ضبط قائم رکھنے کے لیے ضروری ہے۔