عوام پیٹرولیم مصنوعات پر ملنے والے ریلیف سے محروم

وفاقی حکومت نے لیوی میں اضافہ کر کے عوام کو پیٹرولیم مصنوعات پر ملنے والے ریلیف سے محروم کردیا۔

حکومت نے پیٹرول پر ملنے والے 4 روپے 65 پیسے فی لیٹر کے ریلیف سے محروم کیا جبکہ ڈیزل پر بھی لیوی 80 پیسے فی لیٹر بڑھا دی گئی۔

وفاق کی جانب سے لیوی میں اضافہ کر کے قیمتیں کم کرنے کی بجائے برقرار رکھی گئی ہیں۔

جیو نیوز کو دستیاب پیٹرولیم ڈویژن کے نوٹی فکیشن کے مطابق پیٹرول پر فی لیٹر لیوی 4 روپے 65 پیسے بڑھائی گئی جو 79 روپے 62 پیسے سے بڑھا کر 84 روپے 27 پیسے کر دی گئی ہے۔

مزید پڑھیں:کیا عوام کو ایک اور بڑا ریلیف ملے گا؟ پیٹرولیم مصنوعات کی قیمتوں میں کمی کا امکان

ڈیزل پر فی لیٹر لیوی میں 80 پیسے اضافہ کیا گیا ہے جو 75 روپے41 پیسے سے بڑھا کر 76روپے 21 پیسے فی لیٹر کر دی گئی۔

واضح رہے کہ 16 جنوری سے پیٹرولیم میں اضافہ کر کے پیٹرولیم مصنوعات کی قیمتیں کم کرنے کی بجائے برقرار رکھی گئی ہیں۔