ہری پور کال ناکام : پنجاب، سندھ میں ترقی عوامی زندگی بدل رہی اورپختونخوا میں وسائل سیاسی جلسوں پر ضائع ہورہے ہیں ،اظہر جاوید

خیبر پختونخوا میں  وزیراعلیٰ سہیل آفریدی کی احتجاجی سیاست ایک بار پھر عوامی حمایت حاصل کرنے میں ناکام رہی ہے ، ہری پور میں منعقد ہونے والے جلسے میں عوام کی شرکت نہ ہونے کے برابر رہی۔

اس حوالے سے سیاسی تجزیہ کار اظہر جاوید نے آزاد ڈیجیٹل سے خصوصی گفتگو میں  کہا کہ کہ ہری پور میں وزیر اعلی سہیل آفریدی نے اپنی مزاحمتی تحریک کے لیے ہری پور کا رخ کیا لیکن حالات اور واقعات یہ بتا رہے ہیں کہ عوام نے ان کی کال کو مسترد کیا ہے۔

ان کاکہنا تھا کہ  کے پی میں ہزارہ کے لوگوں نے بھی سہیل آفریدی کی  اسٹریٹ موومنٹ کی کال کو مسترد کر دیا ہے ، تحریک انصاف مقبولیت کا جو دعوی کرتی ہے اب اس سے صورتحال مختلف ہے عوام نے نکلنا چھوڑ دیا ہے، پنجاب اور سندھ میں ترقیاتی منصوبے عوام کی زندگی بدل رہے ہیں لیکن کے پی کے وسائل جلسوں اور سیاسی مظاہروں پر ضائع ہورہے ہیں۔

اظہر جاوید نے کہا کہ خیبر پختونخوا اور بلوچستان میں پاک فوج دہشتگردی کے خلاف  جنگ لڑ رہی ہے،  اب وقت آ چکا ہے کہ وزیراعلیٰ خیبر پختونخوا دہشت گردوں کے خوف کے بجائے کھل کر پاکستان کے دفاع اور امن کے حق میں واضح مؤقف اختیار کریں۔

وزیر اعلی سہیل آفریدی نے اپنی مزاحمتی تحریک کے لیے ہری پور کا رخ کیا لیکن حالات اور واقعات یہ بتا رہے ہیں کہ عوام نے ان کی کال کو مسترد کیا ہے، کے پی میں ہزارہ کے لوگوں نے بھی سہیل آفریدی کی اسٹریٹ موومنٹ کی کال کو مسترد کر دیا ہے ، تحریک انصاف مقبولیت کا جو دعوی کرتی ہے اب اس… pic.twitter.com/5fF4h8PqyW

— Azaad Urdu (@azaad_urdu) January 17, 2026

آزاد ڈیجیٹل کی رپورٹ کے مطابق ہری پور کی عوام نے  سردی اور روزمرہ مسائل کے باعث گھروں سے باہر نہ نکلنے کا فیصلہ کیا جس کا واضح اثر اس جلسے میں نظر آیا جہاں وزیراعلیٰ کے استقبال اور جلسے کے لیے نکلنے والے قافلوں میں محض چند افراد ہی شامل نظر آئے۔

ہری پور جلسے کے لیے پشاور موٹر وے ٹول پلازہ پر وزیراعلیٰ سہیل آفریدی کے استقبال کے لیے صرف 10 سے 12 گاڑیاں اور 30 کے قریب کارکنان موجود تھے ، سہیل آفریدی کا قافلہ حطار پہنچا تو استقبال کے لیے مٹھی بھر کارکن نظر آئے جبکہ بیرسٹر گوہر بھی وزیر اعلیٰ کے ہمراہ رہے ۔

رپورٹ کے مطابق سہیل آفریدی کی ریلی میں چند 100 کارکن موجود تھے اور وزیر اعلیٰ سہیل آفریدی صرف 3–4 منٹ کا مختصر خطاب کر کے ہری پور سے روانہ ہو گئے۔

ہری پور میں وزیراعلیٰ سہیل آفریدی کے اس ناکام جلسے سے یہ تاثر مزید گہرا ہو گیا ہے کہ صوبے کے شہری موجودہ حالات میں سیاسی مظاہروں کے بجائے عملی ترقی اور بنیادی سہولیات کے خواہاں ہیں۔