مودی سرکار کے آلہ کار کا پھر کھیل سے کھلواڑ، انڈر19 ورلڈ کپ میں بھارتی کپتان نے بنگلہ دیشی کپتان سے ہاتھ نہیں ملایا

زمبابوے کے شہر بلاوایو میں جاری انڈر-19 کرکٹ ورلڈ کپ کے گروپ اے میچ میں بھارت اور بنگلہ دیش کی ٹیمیں مدمقابل ہیں، جہاں میچ کے آغاز سے قبل ہی ماحول خوش گوار نظر نہیں آیا۔

بھارت کی انڈر-19 ٹیم نے سوریا کماریادیوکے نقش قدم پرچلتے ہوئے ایک اوربین الاقوامی تنازعہ پیدا کیا، جس میں بھارتی کپتان نے بنگلہ دیش کے کپتان سے ٹاس کے موقع پرہاتھ نہیں ملایا۔

بارش کے باعث میچ شروع ہونے میں تاخیرہوئی اوربخارمیں مبتلا بنگلہ دیش کے کپتان عزیزالحکیم کی جگہ نائب کپتان زواد ابرارمیدان میں آئے جبکہ بھارت کے کپتان آیوش مہیترے ٹاس کیلئے موجود تھے۔

زواد ابرارنے ٹاس جیت کرپہلے فیلڈنگ کا فیصلہ کیا لیکن اس دوران روایتی ہاتھ ملانے کی رسم نظراندازکی گئی، جس سے کرکٹ کے شائقین اورمبصرین کے درمیان سوالات پیدا ہوگئے۔

یہ بھی پڑھیں: آسٹریلین کرکٹ ٹیم کا دورہ پاکستان کنفرم، 3 ٹی20 میچز سیریز کا شیڈول اور وینیو جاری

یہ واقعہ ایشیا کپ کے بعد بھارتی ٹیم کی روایتی سرد مہری کو جاری رکھنے کے طورپردیکھا جا رہا ہے، انٹرنیشنل کرکٹ کونسل (آئی سی سی) اوردونوں ممالک کے کرکٹ بورڈزنے ابھی تک اس واقعے پرکوئی بیان جاری نہیں کیا۔

اس پیش رفت نے نوجوان کرکٹرزکے کھیل کے ماحول میں کشیدگی کی جھلک دکھائی اورمیڈیا اورسوشل میڈیا پر مباحثہ شروع کردیا ہے۔