وفاقی دارالحکومت اسلام آباد اور راولپنڈی سمیت خیبرپختونخوا کے مختلف حصوں میں زلزلے کے جھٹکے محسوس کیے گئے ہیں۔
ابتدائی اطلاعات کے مطابق افطاری کے وقت ملک کے کئی شہر زلزلے سے لرز اٹھے اور لوگ محفوظ مقامات کی تلاش میں گھروں اور عمارتوں سے باہر نکل آئے۔
زلزلہ پیما مرکز کے مطابق زلزلے کی شدت 5.6 ریکارڈ کی گئی، جبکہ اس کی زیر زمین گہرائی 73 کلومیٹر تھی۔ زلزلے کا مرکز ہندوکش ریجن، افغانستان میں تھا۔
خیبرپختونخوا کے علاقوں سوات، مردان اور گرد و نواح، لوئر دیر، ملاکنڈ، چترال، خیبر، باڑہ، جمرود، لنڈی کوتل اور تیراہ میں بھی زلزلے کے جھٹکے محسوس کیے گئے۔ علاوہ ازیں سرگودھا اور اس کے گردونواح میں بھی زلزلہ محسوس کیا گیا۔
زلزلے کے دوران شہری کلمہ طیبہ کا ورد کرتے ہوئے گھروں سے باہر نکل آئے۔ تاحال زلزلے کے باعث کسی جانی یا مالی نقصان کی اطلاع موصول نہیں ہوئی۔
By 
