کراچی : آئل ٹینکر کی موٹرسائیکل کو ٹکر سے 2 بہنیں جاں بحق،بھائی زخمی

کراچی کے علاقے ناظم آباد ایک نمبر میں افسوسسناک حادثہ پیش آیا جہاں آئل ٹینکر کی موٹر سائیکل کو ٹکر کے نتیجے میں موٹر سائیکل سوار 2 لڑکیاں جاں بحق جبکہ ایک لڑکا زخمی ہوگیا۔

پولیس حکام کا کہنا ہے کہ ابتدائی معلومات کے مطابق دونوں لڑکیاں بہنیں تھیں ، دونوں لڑکیاں بھائی کے ساتھ موٹر سائیکل پر جارہی تھیں۔

یہ بھی پڑھیں :کراچی میں بے لگام ٹینکر اور ٹریلر نے دو جوان بھائیوں سمیت 3 افراد کی جان لے لی

پولیس کے مطابق حادثے کے بعد ڈرائیور ٹینکر سمیت فرار ہوگیا تھا جس کو بعد میں گرفتار کرکے آئل ٹینکر تحویل میں لے لیا گیا ہے۔

ایس ایس پی سینٹرل کا کہنا ہے کہ ابتدائی معلومات کے مطابق ٹوٹی سڑک کے باعث دونوں بہنیں موٹر سائیکل سے گرگئی تھیں۔