پاکستان سپر لیگ 11: پشاور زلمی نے اسلام آباد یونائٹیڈ کو جیت کیلئے بڑا ہدف دے دیا

پاکستان سپر لیگ (پی ایس ایل) 11 کے کوالیفائیر میچ میں پشاور زلمی نے اسلام آباد یونائیٹڈ  کو جیت کے لئے 222 رنز کا ہدف دے دیا ہے۔

پشاور زلمی نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 221 رنز بنائے۔

ٹاس کے موقع پر اسلام آباد یونائیٹڈ کے کپتان شاداب خان نے کہا کہ شائقین کا اسٹیڈیم میں آنا بہت خوشی کی بات ہے اور اس میچ میں بڑا مزہ آئے گا۔ انہوں نے مزید کہا کہ یہ ایک اہم میچ ہے اور ہم بھرپور کوشش کریں گے۔

پشاور زلمی کے کپتان بابر اعظم نے پچ کو خشک قرار دیتے ہوئے کہا کہ اس میچ میں اچھا اسکور بنانے کی کوشش کریں گے۔ انہوں نے اس بات پر خوشی کا اظہار کیا کہ شائقین کو اسٹیڈیم میں داخلے کی اجازت دی گئی ہے اور ہماری کوشش ہوگی کہ ہم اچھا کھیل پیش کریں تاکہ تماشائیوں کو لطف اندوز ہونے کا موقع ملے۔

یہ بھی پڑھیں: تیار ہو جائیں تیار، لاہور میں سجے گا کرکٹ کا میلہ، پی ایس ایل فائنل کی ٹکٹیں آج سے فروخت

اس میچ کی فاتح ٹیم فائنل کے لیے کوالیفائی کرے گی، جبکہ ہارنے والی ٹیم فائنل کے لیے ایلیمنیٹر 2 میں ایلیمنیٹر 1 کی فاتح ٹیم کے مدمقابل ہوگی۔

پوائنٹس ٹیبل پوزیشنز:
پشاور زلمی نے 17 پوائنٹس کے ساتھ گروپ میں پہلی پوزیشن حاصل کی جبکہ اسلام آباد یونائیٹڈ 13 پوائنٹس کے ساتھ دوسری پوزیشن پر رہا۔

فائنل الیونز:

اسلام آباد یونائیٹڈ:
کپتان شاداب خان، ڈیون کونوے، سمیر منہاس، محسن ریاض، مارک چیپمین، حیدر علی، فہیم اشرف، کرس گرین، عماد وسیم، محمد حسنین، رچرڈ گلیسن

پشاور زلمی:
کپتان بابر اعظم، محمد حارث، کوشل مینڈس، فرحان یوسف، مائیکل بریسویل، ایرون ہارڈی، افتخار احمد، عبدالصمد، خرم شہزاد، صفیان مقیم، باسط علی