مال روڈ راولپنڈی میں فائرنگ میں ملوث ہلاک دہشتگرد محمد حسین کے حوالے سے مزید انکشافات سامنے آگئے

ذرائع کے مطابق شواہد سے یہ بات سامنے آئی ہے کہ ہلاک دہشتگرد محمد حسین پی ٹی آئی کا سرگرم کارکن تھا اور جماعت کی قیادت سے مسلسل رابطے میں رہتے ہوئے ان کی ہدایات پر عمل کرتا تھا۔

ذرائع کا کہنا ہے کہ احتجاجی دھرنوں کے دوران بھی محمد حسین  اشتعال انگیزی، پتھراؤ اور فائرنگ میں ملوث رہا، ذرائع کے مطابق احتجاجی دھرنوں کے دوران ہلاک دہشتگرد سیکیورٹی فورسز کو اسلحے کے ذریعے بھی نشانہ بناتا رہا۔

ذرائع کے مطابق محمد حسین کے سیاسی جماعت کی قیادت سے رابطوں اور احتجاجی سرگرمیوں کے دوران  کردار سے متعلق مزید شواہد اور معلومات اکٹھی کی جارہی ہیں۔

یہ بھی پڑھیں :راولپنڈی سیکیورٹی فورسز کی گاڑی پر فائر نگ کرنے والا حملہ آور جوابی فائر میں ہلاک

ذرائع کا کہنا ہے کہ مال روڈ راولپنڈی فائرنگ کے واقعے اور ہلاک دہشتگرد محمد حسین کے حوالے سے مزید تحقیقات جاری ہیں، جن کے نتیجے میں مزید اہم انکشافات سامنے آنے کا امکان ہے۔