سہیل خان اچانک اتنے کمزور کیوں ہوگئے،حقیقت کیا ہے؟

بالی ووڈ اداکار سلمان خان کے چھوٹے بھائی اور اداکار سہیل خان کی حالیہ تصاویر اور ویڈیوز سوشل میڈیا پر وائرل ہونے کے بعد مداحوں میں ان کی صحت کے حوالے سے تشویش پائی جا رہی ہے۔

وائرل مناظر میں سہیل خان پہلے کے مقابلے میں کمزور دکھائی دے رہے ہیں، جس کے بعد سوشل میڈیا صارفین ان کی صحت کے بارے میں مختلف اندازے اور تبصرے کر رہے ہیں۔

کچھ صارفین نے ان کی ظاہری تبدیلی کو جم سپلیمنٹس کے ممکنہ سائیڈ ایفیکٹس سے جوڑا، جبکہ بعض نے اسے طلاق کے بعد زندگی میں آنے والی تبدیلیوں سے منسلک کیا۔ کچھ مداحوں کا خیال ہے کہ ان کی جسمانی تبدیلی عمر بڑھنے کا قدرتی نتیجہ بھی ہوسکتی ہے۔

تاہم سہیل خان کی صحت کے حوالے سے ان قیاس آرائیوں کی تاحال کوئی مستند تصدیق سامنے نہیں آئی۔ اسی وجہ سے کئی صارفین نے دوسروں سے اپیل کی ہے کہ بغیر تصدیق کسی نتیجے پر پہنچنے یا غیر ضروری تبصرے کرنے سے گریز کیا جائے۔

یہ بھی پڑھیں:لاہور میں سلمان خان کی آمد پر عام تعطیل؟ مصطفیٰ زاہد نے بڑی بات کہہ دی

سوشل میڈیا پر بڑی تعداد میں مداحوں نے سہیل خان کے لیے نیک خواہشات کا اظہار کرتے ہوئے ان کی صحت اور خیریت کے لیے دعائیں بھی کی ہیں۔ بعض صارفین نے کہا کہ کسی شخص کی ظاہری شکل دیکھ کر اس کی صحت کے بارے میں فیصلہ کرنا مناسب نہیں۔

یہ پہلا موقع نہیں کہ سلمان خان کے خاندان کے کسی فرد کی صحت سے متعلق تصاویر نے سوشل میڈیا پر توجہ حاصل کی ہو۔ اس سے قبل سلمان خان کی بھی کچھ تصاویر سامنے آئی تھیں جن میں وہ کمزور دکھائی دے رہے تھے، جس کے بعد اداکار نے نئی تصاویر شیئر کرکے مداحوں کو اپنی صورتحال سے آگاہ کیا تھا۔

یہ بھی پڑھیں:فواد خان کی نئی تصاویر نے سوشل میڈیا پر دھوم مچا دی، اہلیہ کے ہمراہ دلکش انداز

سہیل خان کی ذاتی زندگی

سہیل خان نے 1998 میں سیما سجدے سے شادی کی تھی۔ دونوں نے کئی برس ایک ساتھ گزارنے کے بعد 2022 میں باہمی رضامندی سے علیحدگی اختیار کی۔ سہیل خان اور سیما سجدے کے 2 بیٹے، نیروان اور یوہان ہیں۔ علیحدگی کے باوجود دونوں اپنے بچوں کی پرورش میں اپنا کردار ادا کر رہے ہیں۔

فی الحال سہیل خان کی صحت کے حوالے سے سوشل میڈیا پر گردش کرنے والی مختلف باتوں کی کوئی باضابطہ تصدیق نہیں ہوئی، اس لیے مداحوں کی جانب سے بھی یہی اپیل کی جا رہی ہے کہ ان کی صحت سے متعلق غیر مصدقہ دعووں اور قیاس آرائیوں سے گریز کیا جائے۔