ایران نےایٹمی ہتھیار حاصل کر لیےتو نتائج مشرق وسطیٰ اور اسرائیل کے لیے انتہائی تباہ کن ہوسکتے ہیں،ٹرمپ

امریکی صدر ڈونلڈ ٹرمپ نے کہا ہے کہ ایران کو جوہری ہتھیار بنانے کی اجازت نہیں دی جائے گی، کیونکہ اگر تہران ایٹمی ہتھیار حاصل کرنے میں کامیاب ہوگیا تو اس کے نتائج پورے مشرق وسطیٰ اور اسرائیل کے لیے انتہائی تباہ کن ہوسکتے ہیں۔

آئرلینڈ میں صحافیوں سے گفتگو کرتے ہوئے ڈونلڈ ٹرمپ نے ایران کے جوہری پروگرام سے متعلق اپنے مؤقف کو دہرایا،انہوں نے دعویٰ کیا کہ ایران جوہری ہتھیار تیار کرنے کی منزل سے محض دو ہفتے کے فاصلے پر پہنچ چکا تھا،امریکی صدر کا کہنا تھا کہ واشنگٹن ایران کو ایٹمی ہتھیار حاصل کرنے سے روکنے کے لیے اقدامات جاری رکھے گاایران کے جوہری پروگرام کے حوالے سے خطرے کو نظر انداز کرنا ممکن نہیں تھا۔

 مشرق وسطیٰ کو خطرہ

ٹرمپ نے خبردار کیا کہ اگر ایران جوہری ہتھیار حاصل کرلیتا ہے تو صورتحال انتہائی سنگین ہوسکتی ہے، ان کا کہنا تھا کہ ایسی صورت میں مشرق وسطیٰ اور اسرائیل کو بڑے خطرے کا سامنا ہوسکتا ہےانہوں نے یہ بھی دعویٰ کیا کہ تہران سے یورپ کے بعض شہروں کو بھی خطرات لاحق تھے، جس کے باعث ایران کی سرگرمیوں پر امریکا سمیت دیگر ممالک کی گہری نظر ہے۔

 سعودی پائپ لائن حملہ

امریکی صدر نے سعودی عرب کی تیل کی پائپ لائن پر ہونے والے حملے کا ذکر کرتے ہوئے کہا کہ اس کارروائی کے پیچھے غالباً ایران کا ہاتھ تھا،ٹرمپ نے تاہم اپنی گفتگو میں اس معاملے کو قطعی طور پر ثابت شدہ حقیقت کے طور پر پیش کرنے کے بجائے ایران کو ممکنہ ذمہ دار قرار دیا۔

ایران پر مزید حملے کا دعویٰ

ڈونلڈ ٹرمپ نے دعویٰ کیا کہ اگر ایران پر مزید ایک ہفتے تک حملہ نہ کیا جاتا تو تہران کی جانب سے امریکا پر بھی حملہ کیا جاسکتا تھا،انہوں نے کہا کہ ان کے خیال میں ایران کے خلاف کارروائی میں تاخیر کی صورت میں امریکا کے لیے خطرات بڑھ سکتے تھے، اسی لیے صورتحال کو مزید طول دینا مناسب نہیں تھا۔

 حوثیوں سے متعلق بیان

ٹرمپ نے یمن کے حوثی گروپ کا حوالہ دیتے ہوئے کہا کہ حوثی امریکا کے ساتھ براہ راست جنگ نہیں چاہتے،ان کے بیان سے ظاہر ہوتا ہے کہ وہ ایران اور اس کے حمایت یافتہ گروہوں سے متعلق صورتحال کو الگ الگ زاویوں سے دیکھ رہے ہیں اور خطے میں جاری کشیدگی کے باوجود بعض فریقوں کے ساتھ براہ راست تصادم کے امکانات کو محدود سمجھتے ہیں۔

 جنگ جلد ختم ہونے کی امید

ڈونلڈ ٹرمپ نے ایران کے ساتھ جاری جنگ کے حوالے سے امید ظاہر کی کہ یہ تنازع جلد اختتام پذیر ہوجائے گا،ان کا کہنا تھا کہ جنگ کے خاتمے کے بعد عالمی توانائی منڈی میں نمایاں تبدیلی آسکتی ہے اور تیل کی قیمتیں تیزی سے نیچے آنے کا امکان ہے۔

 تیل کی قیمتوں میں کمی کا دعویٰ

امریکی صدر نے کہا کہ جنگ ختم ہوتے ہی تیل کی قیمتوں میں تیزی سے کمی آئے گی موجودہ کشیدگی عالمی سطح پر تیل کی قیمتوں اور توانائی کی صورتحال کو متاثر کررہی ہے، تاہم تنازع کے خاتمے کے بعد قیمتوں میں نمایاں کمی دیکھی جاسکتی ہے۔