نثار کھوڑو کی کچھ عرصہ قبل نشے میں دھت ویڈیو ایک بار پھر سوشل میڈیا پر وائرل

پاکستان پیپلز پارٹی کے رہنما نثار کھوڑو کی کچھ عرصہ قبل سامنے آنے والی ایک ویڈیو ایک بار پھر سوشل میڈیا پر گردش کرنے لگی ہے، جس پر صارفین کی جانب سے مختلف تبصرے کیے جا رہے ہیں۔

سوشل میڈیا پلیٹ فارمز پر گردش کرنے والی ویڈیو میں نثارکھوڑو کو ایک ایسی حالت میں دیکھا جا سکتا ہےکہ ان سے ٹھیک طریقے سے بات بھی نہیں ہورہی اور مبینہ طور پر نشے کی حالت میں ہیں ۔

 نثار کھوڑو کی نشے میں دھت ویڈیو دوبارہ سامنے آنے کے بعد سوشل میڈیا صارفین کی جانب سے نثار کھوڑو کے حوالے سے مختلف تبصرے کیے جا رہے ہیں۔

 بعض صارفین ویڈیو کو سیاسی تنقید کے لیے استعمال کر رہے ہیں جبکہ دیگر صارفین ویڈیو کے پس منظر اور اصل وقت کے بارے میں  انتہائی سنجیدہ سوالات اٹھا رہے ہیں ۔

نثار کھوڑو پاکستان پیپلز پارٹی کے سینئر رہنما اور پیپلز پارٹی سندھ کے صدر ہیں وہ سینیٹ کے رکن بھی ہیں اور سندھ کی سیاست میں طویل عرصے سے فعال کردار ادا کر رہے ہیں تاہم ان کی مبینہ طور پر نشے میں ہونے کی ویڈیو ایک بار پھر وائرل ہوگئی ہے۔

نثار کھوڑو کی سیاسی سرگرمیاں حالیہ دنوں میں بھی جاری ہیں اور وہ سندھ کی تقسیم، نئے صوبوں اور دیگر سیاسی معاملات پر مسلسل بیانات دیتے رہے ہیں،ایسے میں پرانی ویڈیو کے دوبارہ وائرل ہونے سے سوشل میڈیا پر ان کے حوالے سے ایک نئی بحث شروع ہوگئی ہے۔