سونا خریدنے کا سوچ رہے ہیں؟ آج کی قیمت نے سب کو حیران کردیا

ملک بھر میں سونے اور چاندی کی قیمتوں میں آج کوئی تبدیلی نہیں ہوئی اور گزشتہ روز کی سطح برقرار رہی۔آل پاکستان صرافہ ایسوسی ایشن کے مطابق 24 کیرٹ فی تولہ سونے کی قیمت 4 لاکھ 37 ہزار 536 روپے پر برقرار رہی۔

اسی طرح 10 گرام سونے کی قیمت بھی بغیر کسی تبدیلی کے 3 لاکھ 75 ہزار 116 روپے رہی۔صرافہ مارکیٹ کے مطابق ملک بھر میں فی تولہ چاندی کی قیمت بھی 6 ہزار 588 روپے پر مستحکم ہے۔

دوسری جانب عالمی مارکیٹ میں بھی سونے کی قیمت میں کوئی نمایاں ردوبدل نہیں ہوا۔ بین الاقوامی مارکیٹ میں فی اونس سونا 4 ہزار 150 ڈالر پر مستحکم رہا۔

ماہرین کے مطابق مقامی صرافہ مارکیٹ میں سونے کی قیمتیں عالمی مارکیٹ کے رجحان اور ملکی کرنسی کی قدر سمیت مختلف عوامل سے متاثر ہوتی ہیں۔ عالمی سطح پر قیمت مستحکم رہنے کے باعث پاکستان میں بھی سونے کے نرخوں میں آج کوئی تبدیلی نہیں دیکھی گئی۔

یہ بھی پڑھیں:خوشخبری ، عالمی مارکیٹ میں تیل کی قیمتیں گرنے سے عوام کو بڑا ریلیف ملنے کا امکان

سونے کی قیمت مسلسل مستحکم رہنے کے باعث خریداری اور سرمایہ کاری کے حوالے سے مارکیٹ میں موجود صارفین اور سرمایہ کار عالمی مارکیٹ کی آئندہ سمت پر نظر رکھے ہوئے ہیں۔

صرافہ مارکیٹ میں فی تولہ اور 10 گرام سونے کے ساتھ چاندی کی قیمت بھی برقرار رہنے سے آج قیمتی دھاتوں کی مارکیٹ میں مجموعی طور پر استحکام دیکھا گیا۔