حکومت نے پیٹرول کی نئئی قیمتوں کا اعلان کر دیا ، نوٹیفکیشن جاری

 حکومت نے پیٹرولیم مصنوعات کی قیمتوں میں رد و بدل کرتے ہوئے پیٹرول سستا اور ڈیزل مہنگا کردیا ہے۔
 پیٹرول کی قیمت میں 66 پیسے فی لیٹر کمی کی گئی ہے جبکہ ڈیزل کی قیمت میں 52 پیسے فی لیٹر اضافہ کردیا گیا ہے۔ پیٹرولیم ڈویژن کے نوٹیفکیشن کے مطابق نئی قیمتوں کا اطلاق 10، 11 اور 12 اکتوبر کے لیے ہوگا۔

 نوٹیفکیشن کے مطابق پیٹرول کی قیمت 66 پیسے کمی کے بعد 398 روپے 30 پیسے فی لیٹر ہوگئی ہے۔

اسی طرح ڈیزل کی قیمت میں 52 پیسے فی لیٹر اضافہ کیا گیا ہے۔ اضافے کے بعد ڈیزل کی نئی قیمت 396 روپے 24 پیسے فی لیٹر مقرر کی گئی ہے۔
حکومت کی جانب سے جاری کردہ نوٹیفکیشن میں دونوں مصنوعات کی نئی قیمتیں تین دن کے لیے بیان کی گئی ہیں۔

 پیٹرول کی قیمت میں معمولی کمی سے موٹر سائیکلوں اور نجی گاڑیوں کے صارفین کو محدود ریلیف ملے گا۔ دوسری جانب ڈیزل مہنگا ہونے سے مال برداری اور دیگر ڈیزل استعمال کرنے والی گاڑیوں کے اخراجات پر اثر پڑ سکتا ہے۔