غیر قانونی کال سینٹرز کا دھندا نہیں چلنے دیں گے،ڈی جی این سی سی آئی اے کا دوٹوک پیغام

ڈائریکٹر جنرل نیشنل سائبر کرائم انویسٹی گیشن ایجنسی (این سی سی آئی اے) سید علی ناصر رضوی نے واضح کیا ہے کہ غیر قانونی کال سینٹرز کو کسی صورت چلنے نہیں دیا جائے گا اور ایسے عناصر کو ملکی معیشت کو نقصان پہنچانے کی اجازت نہیں دی جائے گی۔

ڈی جی این سی سی آئی اے کا کہنا تھا کہ گزشتہ 42 دنوں کے دوران راولپنڈی، کراچی اور فیصل آباد میں غیر قانونی کال سینٹرز کے خلاف مجموعی طور پر 51 چھاپے مارے گئے ہیں،ان کارروائیوں کا مقصد غیر قانونی سرگرمیوں کی روک تھام اور ایسے عناصر کے خلاف کارروائی کرنا ہے جو ملکی معیشت کو نقصان پہنچانے میں ملوث ہیں۔

غیر قانونی کال سینٹرز کو کسی صورت نہیں چلنے دیں گے، ایسے عناصر کو ملکی معیشت کو نقصان پہنچانے کی اجازت نہیں دی جائے گی۔
ڈائریکٹر جنرل این سی سی آئی اے سید علی ناصر رضوی

#NCCIA #CyberCrime #NasirRizvi https://t.co/ULwmsJSP5i

— NCCIA (@NCCIAOFFICIAL) October 28, 2026

سید علی ناصر رضوی نے کہا کہ غیر قانونی کال سینٹرز کے خلاف کارروائیاں جاری رہیں گی اور قانون کی خلاف ورزی کرنے والے عناصر کو کسی صورت کام کرنے کی اجازت نہیں دی جائے گی،ملکی معیشت کو نقصان پہنچانے والی سرگرمیوں کے سدباب کے لیے متعلقہ ادارے اپنا کردار ادا کرتے رہیں گے۔

ڈی جی این سی سی آئی اے نے دوٹوک مؤقف اختیار کیا کہ غیر قانونی کال سینٹرز کے معاملے پر کوئی سمجھوتہ نہیں کیا جائے گا اور ایسے عناصر کے خلاف قانون کے مطابق کارروائی کی جائے گی۔