سمندر میں گلابی ڈولفن کی آمد، مسقط کے ساحل پر نایاب منظر

عمان کے دارالحکومت مسقط کے ساحلِ قنتب پر ایک غیر معمولی منظر نے سیاحوں اور سمندری حیات سے دلچسپی رکھنے والوں کی توجہ حاصل کر لی، جہاں گلابی رنگ کی ڈولفن سمندر کی سطح پر نمودار ہوئی۔

عام طور پر گلابی ڈولفن کا تعلق جنوبی امریکا کے دریائے ایمیزون سے جوڑا جاتا ہے، تاہم سمندر کے کھلے ساحلی پانیوں میں گلابی یا ہلکے گلابی رنگ کی ڈولفن دکھائی دینا ایک غیر معمولی واقعہ سمجھا جاتا ہے۔

Pink dolphins are among the rarest dolphins in the world https://t.co/pmSyz8DAMk

— harun turak 🐦 (@mrharunturak) November 1, 2026

یہ بھی پڑھیں:شہرت ملتے ہی شوہر بدل گیا؟ مسٹر پتلو کی سابقہ اہلیہ کے سنگین الزامات

سمندری حیات کے ماہرین کے مطابق ڈولفن کی جلد کا رنگ قدرتی طور پر مختلف ہو سکتا ہے۔ بعض اوقات جلد کی باریک تہوں سے خون کی نالیاں نمایاں ہونے، روشنی کے زاویے یا جلد میں قدرتی رنگت کی تبدیلی کے باعث بھی جانور گلابی دکھائی دے سکتا ہے۔

اس نایاب منظر نے جنگلی حیات سے محبت کرنے والوں میں خوشی کی لہر دوڑا دی ہے، جبکہ عمان کے ساحلی پانیوں میں موجود سمندری حیات کے تنوع کی جانب بھی ایک بار پھر توجہ مبذول کرائی ہے۔