پنجاب حکومت نے مریم کو بتائیں پروگرام کے تحت مالی مشکلات کا شکار مستحق افراد کو 10 ہزار روپے کی امداد فراہم کرنے کا طریقہ کار واضح کردیا ہے۔ درخواست منظور ہونے کے بعد اہل افراد کو رقم حاصل کرنے کے لیے جیز کیش سینٹر جانا ہوگا۔
پروگرام کے آفیشل ایکس اکاؤنٹ پر جاری معلومات کے مطابق، جن درخواست گزاروں کی مالی امداد منظور ہوگی، انہیں ان کے رجسٹرڈ موبائل نمبر پر جیز کیش کی جانب سے تصدیقی پیغام اور پن کوڈ موصول ہوگا۔
پیغام ملنے کے بعد مستحق افراد قریبی مجاز جیز کیش سینٹر جائیں گے، جہاں شناخت کی تصدیق کے بعد انہیں 10 ہزار روپے فراہم کیے جائیں گے۔
رقم وصول کرنے کے لیے 15 دن کی مہلت
حکومت کی جانب سے جاری ہدایات کے مطابق، منظوری اور تصدیقی پیغام موصول ہونے کے بعد درخواست گزاروں کو 15 دن کے اندر اپنی امدادی رقم وصول کرنا ہوگی۔ یہ 15 دن درخواست کی منظوری کے لیے نہیں بلکہ منظوری کے بعد رقم حاصل کرنے کے لیے مقرر کیے گئے ہیں۔یہ بھی پڑھیں:گندم بحران کے دوران بڑی خوشخبری، ہزاروں ٹن گندم کراچی پہنچ گئی
مریم کو بتائیں پروگرام میں رجسٹریشن کیسے کروائیں؟
مالی امداد کے خواہش مند شہری تین طریقوں سے درخواست جمع کرا سکتے ہیں:
-
ہیلپ لائن 1000 پر کال کرکے مالی امداد کی درخواست دیں۔
-
مریم کو بتائیں کی موبائل ایپ کے ذریعے رجسٹریشن کروائیں۔
-
پروگرام کے سرکاری ویب پورٹل پر اپنی درخواست جمع کرائیں۔


