By لاہور میں تحریک انصاف کے جلسے میں شرکت کیلئےآنیوالے وزیراعلیٰ خیبرپختونخوا علی امین گنڈاپور نے قافلے کے راستے میں کھڑے ٹرالر کے شیشے توڑ دیے۔
سوشل میڈیا پر گردش ویڈیو میں دیکھا جاسکتا ہے کہ وزیراعلیٰ خیبرپختونخوا دیگر پی ٹی آئی کارکنان کے ہمراہ ایک ٹرالر کے سامنے کھڑے ہیں اور AK-47رائفل سے ٹرالر کے شیشے توڑ رہے ہیں۔
مزید پڑھیں: عظمیٰ بخاری نے پی ٹی آئی کا لاہور میں جلسہ ناکام قرار دیدیا
علی امین گنڈا پور نے AK-47 سے راستے میں کھڑے ٹرالر کے شیشے توڑ دیے pic.twitter.com/djLG4kiEQQ
— Azaad Urdu (@azaad_urdu) September 21, 2024
دوسری جانب قصور روڈ کے نواحی علاقے کاہنہ میں پاکستان تحریک انصاف کی جانب سے جلسے کا میدان سجا گیا۔ تاہم مقررہ وقت ختم ہونے کے بعد ڈی جے نے ساؤنڈ سسٹم بند کر دیا۔
جلسے کی جگہ کاہنہ منڈی کے قریب متعین کی گئی تھی، جہاں مقررہ وقت کے بعد پولیس اہلکار سٹیج پر پہنچ گئے اور سٹیج خالی کروانے کا عمل شروع کر دیا۔ اس کے بعد لوگ واپس جانے لگے۔
دریں اثنا وزیر اعلیٰ خیبر پختونخوا علی امین گنڈا پور موٹر وے کے راستے لاہور داخل ہوچکے ہیں اور وہ جلد ہی جلسہ گاہ پہنچنے کی کوشش کر رہے ہیں۔ لاہور کی ضلعی انتظامیہ کے جاری کردہ نوٹیفکیشن کے مطابق جلسے کا وقت سہ پہر 3 بجے سے شام 6 بجے تک تھا، جو اب ختم ہو چکا ہے۔
