شمالی آئرلینڈ سے تعلق رکھنے والے معروف برطانوی کامیڈین جمی کرکٹ مختصر علالت کے بعد 80 برس کی عمر میں انتقال کر گئے۔
جمی کرکٹ اپنی صاف ستھری اور شائستہ مزاحیہ انداز کے باعث برطانیہ سمیت مختلف ممالک میں مقبول تھے۔ انہوں نے کئی مرتبہ برطانیہ کے معروف رائل ویرائٹی شوز میں اپنی فنکارانہ صلاحیتوں کا مظاہرہ کیا اور ناظرین سے خوب داد سمیٹی۔
1945 میں شمالی آئرلینڈ کی کاؤنٹی ٹائرون میں پیدا ہونے والے جمی کرکٹ نے صرف 18 سال کی عمر میں ہالیڈے کیمپوں میں پرفارم کرنا شروع کیا، جہاں سے ان کے کامیاب فنی سفر کا آغاز ہوا۔ 1972 میں انہوں نے پونٹنز ہالیڈے کیمپ میں باقاعدہ کام کیا، جس کے بعد وہ برطانیہ بھر میں مختلف کامیڈی اور تفریحی پروگراموں کا حصہ بنتے رہے۔
اپنے کیریئر کے دوران جمی کرکٹ نے دی اوسمونڈز، برادرہُڈ آف مین، پال ڈینیلز اور دی کرینکیز سمیت کئی معروف فنکاروں کے ساتھ اسٹیج شیئر کیا۔ ان کا ٹی وی شو ‘اینڈ دیئرز مور’ سینٹرل ٹیلی ویژن پر نشر ہوا، جبکہ بی بی سی ریڈیو 2 پر ان کا پروگرام ‘جمیز کرکٹ ٹیم’ بھی شائقین میں بے حد مقبول رہا۔
By 
