پاکستان اور بھارت سیز فائر پر رضا مند ہوگئے ہیں، ڈونلڈ ٹرمپ کا اعلان

امریکی صدر ڈونلڈ ٹرمپ نے اعلان کیا ہے کہ امریکا کی ثالثی کے بعد پاکستان اور بھارت سیزیز فائر کرنے پر رضا مند ہو گئے ہیں۔

سوشل میڈیا پلیٹ فارم ’ایکس‘ پر جاری ٹویٹ میں امریکی صدر ڈونلڈ ٹرمپ نے لکھا کہ ’امریکا کی ثالثی میں طویل رات تک جاری رہنے والی بات چیت کے بعد مجھے یہ اعلان کرتے ہوئے خوشی ہو رہی ہے کہ بھارت اور پاکستان نے مکمل اور فوری جنگ بندی پر اتفاق کیا ہے۔

ڈونلڈ ٹرمپ نے لکھا کہ وہ دونوں ممالک کی جانب سے ہوش اور دانشمندی کا مظاہرہ کیا گیا جس پر میں دونوں ممالک کو مبارکباد پیش کرتا ہوں۔

Pakistan and India have agreed to a ceasefire with immediate effect. Pakistan has always strived for peace and security in the region, without compromising on its sovereignty and territorial integrity!

— Ishaq Dar (@MIshaqDar50) May 10, 2025

ادھر پاکستان کے وزیرخارجہ اسحاق ڈار نے بھی تصدیق کی ہے کہ پاکستان اور بھارت نے فوری طور پر جنگ بندی پر اتفاق کیا ہے۔

اپنے ٹویٹ میں وزیر خارجہ اسحاق ڈار نے لکھا کہ ’پاکستان نے ہمیشہ اپنی خودمختاری اور علاقائی سالمیت پر سمجھوتا کیے بغیر خطے میں امن و سلامتی کے لیے جدوجہد کی ہے‘۔