مری میں پنجاب فوڈ اتھارٹی کی کارروائی، سیاحتی مقام سے 4 من مضر صحت گوشت برآمد

پنجاب فوڈ اتھارٹی نے سیاحتی مقام مری سے 4 من مضر صحت گوشت برآمد کر کے تلف کر دیا ہے۔

یہ بھی پڑھیں:خیبرپختونخوا میں 77 ہزار میٹرک ٹن گندم خراب، 11 ارب روپے کا نقصان

پنجاب فوڈ اتھارٹی کے حکام نے مری کے آلائیٹ بازار ایکسپریس وے سمیت موچی منڈی میں غیر معیاری گوشت کے خلاف آپریشن کیا ۔

پنجاب فوڈ اتھارٹی کی ٹیم نے مری کے مختلف سیاحتی مقامات پر دکانوں پر چھاپے مارے اور گوشت کا معائنہ کیا جہاں سے غیر معیاری اور مضر صحت گوشت برآمد ہوا۔

مزید پڑھیں:گدھے کے گوشت کی شناخت اب چند سیکنڈز میں ممکن

پنجاب فوڈ اتھارٹی کے ترجمان کے مطابق بیف اور مٹن کی  19 دکانوں میں گوشت کا معائنہ کیا گیا ، جن میں سے 4 دکانوں کو 54000 روپے تک جرمانہ کیا گیا اور 4 من گوشت موقع پر ہی تلف کردیا گیا۔ ترجمان کے مطابق وٹنری ڈاکٹر نے گوشت کا معائینہ کیا اور 4 من گوشت کو مضر صحت قرار دے دیا۔