ایشیا کپ : پاک بھارت ٹاکرے سے قبل بھارتی میڈیا کا نیا پراپیگنڈا

بھارت اپنے اوچھے ہتھکنڈوں سے باز نہ آیا، پاک بھارت میچ سے قبل بھارتی میڈیا نے ایک نیا پراپیگنڈا شروع کردیا۔

بھارتی میڈیا کی طرف سے  دعویٰ کیا جارہا ہے کہ انٹرنیشنل کرکٹ کونسل (آئی سی سی) نے پاکستان کرکٹ بورڈ (پی سی بی) کو ایشیا کپ میں پروٹوکول کی خلاف ورزی کرنے پر سخت ایکشن لینے کا فیصلہ کیا ہے۔

ہمیشہ کی طرح کرکٹ میں سیاست کو گھسیٹتے ہوئے بھارتی میڈیا نے 21 سمتبر بروز اتوار کو ہونے والے پاکستان اور انڈیا کے میچ سے قبل ایک اور نیا شوشہ چھوڑ دیا ہے۔

انڈیا ٹوڈے نے اپنی  رپورٹ میں دعویٰ کیا ہے کہ آئی سی سی کے سی ای او سنجوگ گپتا نے پی سی بی کو ایک ای میل بھیجی ہے جس میں سوال اٹھایا گیا  کہ 17 ستمبر کو یو اے ای کے خلاف پاکستان کے میچ سے قبل میچ ریفری اینڈی پائی کرافٹ کے ساتھ میٹنگ کو کپتان اور میچ آفیشلز کے ساتھ کیوں فلمایا گیا جہاں موبائل فون اور کیمرے لے جانے پر پابندی عائد ہے۔

یہ بھی پڑھیں : پاکستان نے یو اے ای کو شکست دیکر سپر فور مرحلے کیلئے کوالیفائی کرلیا

اس کے علاوہ رپورٹ میں کہا گیا ہے کہ ایشیا کپ میں یو اے ای کے خلاف میچ سے قبل پاکستانی ٹیم نے متعدد ٹورنامنٹ قوانین کی خلاف ورزی کی ہے۔

بھارتی میڈیا کے مطابق آئی سی سی پاکستان کرکٹ بورڈ کے خلاف کارروائی پر غور کر رہا ہے۔

علاوہ ازیں پی سی بی نے میچ ریفری کی معذرت کرنے ویڈیو سوشل میڈیا پر شئیر کی گئی جس پر آئی سی سی نے برہمی کا اظہار کیا ہے۔

واضح رہے کہ اینڈی پائی کرافٹ نے بھارت اور پاکستان کے میچ میں کپتان سلمان آغا کو بھارتی ٹیم کے کپتان سوریا کمار یادو سے ہاتھ ملانے سے منع کیا تھا جس کے بعد پاکستان کرکٹ بورڈ نے میچ ریفری کو ہٹانے کا مطالبہ کیا تھا۔

یہ بھی پڑھیں : پی سی بی کا دباؤ کام کر گیا، آئی سی سی نے اینڈی پائیکرافٹ کو ہٹا دیا

بعد ازاں یہ تنازع اس قدر شدید بڑھ گیا کہ اینڈی پائی کرافٹ کو پی سی بی اور پاکستانی ٹیم سے معذرت کرنی پڑ ی۔