وزیراعظم شہباز شریف کا بنگلہ دیش ہائی کمیشن کا دورہ، خالدہ ضیا کے انتقال پر اظہارِ تعزیت

وزیراعظم شہباز شریف نے بنگلہ دیش کی سابق وزیرِاعظم اور بنگلہ دیش نیشنلسٹ پارٹی کی چیئرپرسن خالدہ ضیا کے انتقال پر تعزیت کے لیے بنگلہ دیش ہائی کمیشن کا دورہ کیا۔

یہ بھی پڑھیں:17 سال بعد وطن واپسی، خالدہ ضیا کے بیٹے کی بنگلا دیشی سیاست میں بڑی انٹری

دورے کے دوران وزیراعظم نے چارج ڈی افیئرز سے تعزیت کا اظہار کیا اور سینیئر سیاسی راہنما کے انتقال پر گہرے رنج و غم کا اظہار کیا۔ انہوں نے تعزیتی کتاب میں اپنے تاثرات بھی قلم بند کیے اور خالدہ ضیا کی بصیرت، قیادت اور طویل سیاسی جدوجہد کو خراجِ تحسین پیش کیا۔

Prime Minister Muhammad Shehbaz Sharif visited the Bangladesh High Commission to offer Fateha and condolences on the passing of Begum Khalida Zia, former Prime Minister of Bangladesh and Chairperson of the Bangladesh Nationalist Party. He conveyed sympathies to the Charge… pic.twitter.com/d05hydhU62

— Government of Pakistan (@GovtofPakistan) January 5, 2026

وزیراعظم شہباز شریف نے حکومت اور عوامِ پاکستان کی جانب سے سوگوار خاندان سے دلی تعزیت کا اظہار کیا اور مرحومہ کے لیے جنت میں اعلیٰ مقام کی دعا کی۔ انہوں نے بنگلہ دیشی سیاست میں خالدہ ضیا کی دیرپا خدمات اور عوام کی خدمت کے لیے ان کے غیر متزلزل عزم کو بھی اجاگر کیا۔

اس موقع پر وفاقی وزیر اطلاعات عطا اللہ تارڑ اور وزیراعظم کے خصوصی معاون طارق فاطمی بھی وزیراعظم کے ہمراہ تھے۔