پنجاب: تمام سرکاری تعلیمی اداروں میں موسم سرما کی تعطیلات میں توسیع

پنجاب بھر میں سردی کی جاری شدید لہر اور طلبہ کی صحت کو پیش نظر رکھتے صوبے بھر کے تمام اسکولوں کی سردیوں کی چھٹیوں میں توسیع کردی گئی ہے۔ 

اس حوالے سے وزیر تعلیم پنجاب رانا سکندر حیات نے سوشل میڈیا پر جاری بیان میں کہا کہ موسم کی سختی کے باعث پنجاب کے اسکول اب 12 جنوری کے بجائے 19 جنوری کو کھلیں گے۔

Important=
Due to The Prolonged Winter Spell & Extremely Low Temperature Next Week.
As Advised By PDMA,
Punjab Govt Has decided to Extend Winter Vacations Till The 19th Of January.

— Rana Sikandar Hayat (@RanaSikandarH) January 10, 2026

وزیرِ تعلیم پنجاب رانا سکندر حیات کے مطابق یہ فیصلہ  سخت سرد موسم اور اگلے ہفتے پی ڈی ایم اے کی موسم کے حوالے سے ہدایت پر کیا گیا ہے ۔

اس کے ساتھ ساتھ وزیرتعلیم کے سوشل میڈیا پیج پر کیے گئے عوامی سروے کی بنیاد کو بھی مدنظررکھا کیا گیا جس میں واضح اکثریت نے چھٹیوں میں توسیع کے حق میں رائے دی، عوامی مشاورت کے بعد اب تعلیمی ادارے 19 جنوری سے کھلیں گے۔

وزیرِ تعلیم کا کہنا تھا کہ فیصلہ شدید سردی اور طلبہ کی صحت کو مدنظر رکھتے ہوئے کیا گیا ہے تاہم عوامی سروے میں تقریباً 87 فیصد افراد نے چھٹیوں میں توسیع کی حمایت کی، 13فیصد افراد نے تعلیمی ادارے 12 جنوری سے کھولنے کے حق میں ووٹ دیا۔

اعداد و شمار کے مطابق وزیرِ تعلیم کے پول میں 19 جنوری کے حق میں 1 لاکھ 54 ہزار 178 آراء موصول ہوئیں جبکہ 12 جنوری کے حق میں 24 ہزار 829 ووٹ کاسٹ کیے گئے۔

یہ بھی پڑھیں:کیا اسکولوں میں موسمِ سرما کی چھٹیوں میں مزید توسیع کی جا رہی ہے؟، اہم فیصلہ متوقع

واضح رہے کہ آج بھی پنجاب کے کئی علاقوں میں گہری دھند کی وجہ سے معمولات زندگی متاثر ہے۔

محکمہ موسمیات کا کہنا ہے کہ گزشتہ 24 گھنٹوں کے دوران ملک میں سب سے کم درجہ حرارت اسکردو میں منفی 12 ڈگری سینٹی گریڈ ریکارڈ کیا گیا۔