اسکولوں کے اوقات کار ایک مرتبہ پھر تبدیل

اسلام آباد کے سرکاری اور نجی اسکولوں نے موسم کی صورتحال میں بہتری کے بعد اپنے اوقات کار دوبارہ معمول پر لانے کا فیصلہ کر لیا ہے۔ نئے شیڈول کے تحت اب تعلیمی اداروں میں کلاسز کا آغاز صبح 8 بجے سے ہوگا۔

تفصیلات کے مطابق سردیوں کے باعث نافذ کیا گیا خصوصی شیڈول 31 جنوری 2026 کو اختتام پذیر ہو گیا ہے، جس کے بعد اسکول اپنی روایتی صبح کے اوقات میں واپس آ گئے ہیں۔ یہ خصوصی شیڈول دسمبر میں شدید سردی کے پیش نظر نافذ کیا گیا تھا۔

نئے اوقات کار کے مطابق کم عمر طلبہ کی کلاسیں دوپہر 1:30 بجے تک جاری رہیں گی۔ حکام کا کہنا ہے کہ موسم میں بہتری اور دن کے دورانیے میں اضافے کے باعث معمول کے اوقات میں واپسی ممکن ہوئی ہے، جس سے طلبہ کی حاضری اور کلاس روم کی سرگرمیوں میں بہتری متوقع ہے۔

یہ بھی پڑھیں: تعلیمی ادارے بند،نظام زندگی مفلوج،شدید بارشیں، تند و تیز ہوائیں،آئیندہ 48 گھنٹے اہم

مزید بتایا گیا ہے کہ 15 اپریل سے سرکاری اسکولوں میں اوقات کار میں ایک بڑی تبدیلی متعارف کرائی جائے گی۔ رمضان المبارک کے دوران روزہ دار طلبہ کی سہولت کے لیے تعلیمی اداروں میں خصوصی شیڈول نافذ کیا جائے گا۔

والدین اور طلبہ کو ہدایت کی گئی ہے کہ وہ اسموگ، رمضان المبارک اور اوقات کار میں ممکنہ تبدیلیوں سے متعلق اسکول انتظامیہ کی جانب سے جاری کی جانے والی اپ ڈیٹس پر نظر رکھیں۔