By رمضان المبارک میں مستحقین کی مالی امداد کیلئے شروع کیے گئے پروگرام کے تحت خیبر پختونخوا حکومت نے مالی امداد کے حصول کے لیے بینک اکاؤنٹ کی لازمی شرط ختم کرنے کا بڑا فیصلہ کر لیا ہے، جس کے بعد مستحقین کے لیے رجسٹریشن کا نیا اور آسان طریقہ کار متعارف کرا دیا گیا ہے۔
صوبائی حکومت کی جانب سے جاری نوٹیفکیشن کے مطابق اب امداد حاصل کرنے کے لیے بینک اکاؤنٹ ہونا ضروری نہیں ہوگا۔ اس سے قبل حکومت نے ضرورت مند خاندانوں کے لیے مالی معاونت کا اعلان کرتے ہوئے شرط عائد کی تھی کہ تمام مستحقین کا بینک اکاؤنٹ ہونا لازمی ہے، تاہم اس فیصلے پر صوبے بھر میں شدید ردعمل سامنے آیا تھا۔ شہریوں، سماجی حلقوں اور مقامی نمائندوں نے اسے غیر حقیقت پسندانہ قرار دیتے ہوئے کہا تھا کہ دور دراز اور پسماندہ علاقوں میں رہنے والے افراد کے لیے بینکنگ سہولیات تک رسائی انتہائی مشکل ہے۔
خصوصاً دیہی علاقوں میں بڑی تعداد ایسے خاندانوں کی ہے جن کے پاس نہ تو بینک اکاؤنٹس موجود ہیں اور نہ ہی وہ بینکاری کے پیچیدہ مراحل سے واقف ہیں۔ اس صورتحال کے پیش نظر حکومت نے پالیسی پر نظرثانی کرتے ہوئے شرط ختم کرنے کا فیصلہ کیا۔
یہ بھی پڑھیں:ملک میں ٹیکسی سکیم کا آغاز، بے روزگاروں کے لیے روزگار کا نیا دروازہ کھل گیا، آپ بھی گاڑی لے سکتے ہیں؟،جانیے
