پی ٹی اے کی بڑی کاروائی ،غیر رجسٹرڈ اور ممنوعہ ادویات بیچنے والی ویب سائٹس بند

پاکستان ٹیلی کمیونیکیشن اتھارٹی (پی ٹی اے) نے غیر قانونی آن لائن ادویات کی فروخت کے خلاف سخت کارروائی کرتے ہوئے چار ویب سائٹس کو بلاک کر دیا ہے۔

یہ ویب سائٹس مبینہ طور پر غیر رجسٹرڈ اور اسمگل شدہ ادویات کی آن لائن فروخت میں ملوث تھیں جس پر متعلقہ حکام نے فوری ایکشن لیا۔

یہ بھی پڑھیں :58 سال پہلے لی گئی ’ارتھ رائز‘ تصویر نےدنیا کا زاویہ بدل دیا

میڈیا ذرائع کے مطابق ڈرگ ریگولیٹری اتھارٹی آف پاکستان (ڈریپ) نے ان ویب سائٹس کی نشاندہی کرتے ہوئے پی ٹی اے کو باضابطہ خط ارسال کیا تھا۔ اس کے بعد فوری طور پر ان ویب سائٹس کو بند کر دیا گیا۔

یہ بھی پڑھیں :ایک صدی تک چلنے والی بیٹری متعارف، ٹیکنالوجی میں بڑا دعویٰ

پی ٹی اے حکام کا کہنا ہے کہ مستقبل میں بھی ڈریپ کی جانب سے جن ویب سائٹس یا سوشل میڈیا پیجز کی نشاندہی کی جائے گی، ان کے خلاف بلا تاخیر کارروائی کی جائے گی۔

اس کے ساتھ ساتھ غیر رجسٹرڈ اور ممنوعہ ادویات کی تشہیر یا آن لائن فروخت کرنے والے سوشل میڈیا اکاؤنٹس اور پیجز کو بھی بند کرنے کے لیے اقدامات جاری ہیں۔حکام کے مطابق اس کارروائی کا بنیادی مقصد عوام کو غیر معیاری اور خطرناک ادویات سے محفوظ رکھنا اور آن لائن فارمیسی کے غیر قانونی نیٹ ورک کو روکنا ہے