سربیا کے صدر کا اہم بیان، پاک بھارت کشیدگی میں بھارتی دفاعی نظام سے متعلق نئی بحث چھڑ گئی

پاکستان اور بھارت کے درمیان حالیہ عسکری کشیدگی کے تناظر میں سربیا کے صدر الیگزینڈر ووچیچ کے بیان نے بھارتی فضائی دفاعی نظام S400 کی کارکردگی سے متعلق نئی بحث چھیڑ دی ہے۔

وسطی یورپ کے ملک سربیا کے صدر نے بھارتی S 400 دفاعی نظام کی تباہی کے پاکستانی مؤقف کی تصدیق کر دی۔ سربیا کے صدر نے ایک حالیہ انڑویو میں بطور غیر جانبدار تجزیہ کار زمینی شواہد اور دستیاب ڈیٹا کی بنیاد پر حقائق بیان کیے۔

 سربیا کے صدر کا بیان اس حوالے سے اہم سمجھا جا رہا ہے کیونکہ یہ ایک ایسے ملک کے سربراہ کی رائے ہے جو تنازع کا براہِ راست فریق نہیں۔ ماہرین کا کہنا ہے کہ جدید جنگوں میں معلومات، ٹیکنالوجی اور انٹیلی جنس کی اہمیت پہلے سے کہیں زیادہ بڑھ چکی ہے جبکہ کسی بھی دعوے کی حتمی تصدیق کے لیے آزادانہ اور مستند شواہد کو بنیادی حیثیت حاصل ہوتی ہے۔

حالیہ بیانات نے ایک بار پھر جنوبی ایشیا میں عسکری توازن، فضائی دفاعی نظاموں کی افادیت اور جدید جنگی حکمت عملیوں پر عالمی بحث کو نئی جہت دے دی ہے۔