دنیا بھر میں کیلے کی ایک منفرد قسم ’بلیو جاوا‘ اپنی غیرمعمولی خصوصیات کی وجہ سے توجہ حاصل کر رہی ہے۔ اس کیلے کو عام طور پر “آئس کریم کیلا” بھی کہا جاتا ہے کیونکہ اس کا ذائقہ ونیلا آئس کریم یا کسٹرڈ سے مشابہت رکھتا ہے۔
جنوب مشرقی ایشیا سے تعلق رکھنے والی یہ قسم ہوائی سمیت مختلف گرم علاقوں میں کاشت کی جاتی ہے۔ بلیو جاوا کیلا کچا ہونے پر ہلکے نیلے یا چاندی مائل رنگ کا دکھائی دیتا ہے، جبکہ پکنے کے بعد اس کا رنگ ہلکا زرد ہو جاتا ہے۔قدر
اس کی اندرونی سفید اور کریمی ساخت اسے عام کیلے سے مختلف بناتی ہے۔ ماہرین کے مطابق اس کا نرم اور ملائم گودا قدرتی طور پر میٹھا ہوتا ہے اور اس میں ونیلا جیسا ذائقہ محسوس کیا جا سکتا ہے، جس کی وجہ سے یہ پھلوں کے شوقین افراد میں خاصا مقبول ہے۔
بلیو جاوا کیلے کی ایک اور نمایاں خصوصیت اس کی سرد موسم برداشت کرنے کی صلاحیت ہے۔ دیگر کئی اقسام کے مقابلے میں یہ نسبتاً کم درجہ حرارت میں بھی نشوونما پا سکتا ہے، جس کی وجہ سے اسے گھریلو باغبانی کے شوقین افراد بھی پسند کرتے ہیں۔
اپنی منفرد شکل، ذائقے اور کاشت کی خصوصیات کے باعث بلیو جاوا کیلا دنیا کی دلچسپ ترین کیلا اقسام میں شمار کیا جاتا ہے۔
By 
