اٹلی کے یانک سنر نے مسلسل دوسری بار ومبلڈن ٹائٹل اپنے نام کر لیا

اٹلی کے یانک سنر نے فائنل میں جرمنی کے الیگزینڈر زیراو کو سنسنی خیز مقابلے کے بعد شکست دے کر مسلسل دوسری بار ومبلڈن ٹائٹل اپنے نام کرلیا۔

فائنل میں عالمی نمبر ایک اور ٹاپ سیڈ یانک سنر کا مقابلہ جرمنی کے الیگزینڈر زویریو سے ہوا جہاں دونوں کھلاڑیوں کے درمیان سخت مقابلہ دیکھنے کو ملا۔

ومبلڈن کے فائنل میں ٹاپ سیڈ یانک سنر نے جرمنی کے الیگزینڈر زویریو کو سنسنی خیز مقابلے کے بعد 6-7 ، 7-6 ، 6-3 اور 6-4 سے شکست دی اور کامیابی کے ساتھ ومبلڈن ٹائٹل کا دفاع کیا ۔

یہ بھی پڑھیں :معروف آسٹریلین ٹینس لیجنڈ مال اینڈرسن 91 برس کی عمر میں چل بسے

پونے چار گھنٹے تک جاری رہنے والے میچ میں زویریو نے پہلا سیٹ ٹائی بریک پر جیتا، تاہم سنر نے شاندار واپسی کرتے ہوئے اگلے 3 سیٹس اپنے نام کر لیے۔

سنر کو مقابلہ برابر کرنے کیلئے دوسرے سیٹ میں سخت کوشش کرنی پڑی اور تیسرے سیٹ میں جرمن پلیئر تین اور چوتھے میں صرف 4 گیمز جیت سکے ۔

یہ بھی پڑھیں : ڈیوس کپ میں شکست پر ٹینس کے بادشاہ رافیل نڈال کے کیریئر کا اختتام

یہ یانک سنر کے کیریئر کا دوسرا ومبلڈن ٹائٹل ہے ، انہوں نے گزشتہ سال پہلی بار یہ تاریخی ٹرافی جیتی تھی اور اب مسلسل دوسری کامیابی کے ساتھ آل انگلینڈ کلب میں اپنی کامیابی کا سکہ جمالیا ہے ۔