گڈز ٹرنسپورٹ کے کرایوں میں بڑا ضافے کا اعلان کر دیا گیا

کراچی گڈز ٹرانسپورٹ ایسوسی ایشن نے ملک بھر میں مال بردار گاڑیوں کے کرایوں میں 5 فیصد اضافے کا اعلان کر دیا ہے۔ ایسوسی ایشن کے مطابق پیٹرولیم مصنوعات کی قیمتوں میں مسلسل اتار چڑھاؤ، بڑھتے ہوئے آپریشنل اخراجات اور ٹرانسپورٹ کے شعبے کو درپیش مالی دباؤ کے باعث کرایوں میں اضافہ ناگزیر ہو گیا تھا۔

اعلامیے کے مطابق نئے کرایوں کا اطلاق فوری طور پر ہوگا اور تمام مال بردار گاڑیوں کے مالکان، ٹرانسپورٹرز اور فریٹ آپریٹرز نئی شرح کے مطابق کرایے وصول کریں گے۔ ایسوسی ایشن کا کہنا ہے کہ موجودہ معاشی حالات میں پرانے نرخوں پر ٹرانسپورٹ کا کاروبار جاری رکھنا انتہائی مشکل ہو چکا تھا۔

 یہ بھی پڑھیں :پاکستان گڈز ٹرانسپورٹ الائنس نے کرایوں سے متعلق بڑا اعلان کردیا

گڈز ٹرانسپورٹ ایسوسی ایشن کے مطابق صرف ایندھن ہی نہیں بلکہ گاڑیوں کی دیکھ بھال، ٹائرز، اسپیئر پارٹس، انجن آئل، ورکشاپ اخراجات، ڈرائیوروں اور دیگر عملے کی تنخواہوں سمیت تقریباً تمام آپریشنل اخراجات میں نمایاں اضافہ ہوا ہے جس کے باعث کرایوں پر نظرثانی کرنا ناگزیر ہوگیا۔

ایسوسی ایشن کا کہنا ہے کہ کرایوں میں صرف پانچ فیصد اضافہ موجودہ اخراجات کے مقابلے میں انتہائی محدود ہے تاہم اس فیصلے کا مقصد ٹرانسپورٹرز کو بڑھتی ہوئی مالی مشکلات سے نکالنا اور مال برداری کے نظام کو بلا تعطل جاری رکھنا ہے۔

ٹرانسپورٹ سیکٹر سے وابستہ حلقوں کے مطابق کرایوں میں اضافے کے بعد ملک بھر میں صنعتی خام مال، زرعی اجناس، اشیائے خورونوش اور دیگر تجارتی سامان کی ترسیل کی لاگت میں بھی اضافہ متوقع ہےجس کے اثرات مختلف کاروباری شعبوں اور سپلائی چین پر پڑ سکتے ہیں۔ ماہرین کا کہنا

 یہ بھی پڑھیں :حکومت سے مذاکرات کامیاب، گڈز ٹرانسپورٹرز ایسوسی ایشن کا ہڑتال ختم کرنے کا اعلان

ہے کہ اگر ایندھن اور دیگر آپریشنل اخراجات میں مزید اضافہ ہوا تو مستقبل میں کرایوں پر دوبارہ نظرثانی بھی کی جا سکتی ہےتاہم فی الحال پانچ فیصد اضافے کے فیصلے پر فوری عمل درآمد کیا جائے گا۔