کراچی کے شہریوں کے لیے اہم خبر سامنے آگئی ہےجہاں کے الیکٹرک نے آج (پیر 27 جولائی 2026 ) کو مختلف علاقوں میں مینٹیننس شٹ ڈاؤن کے باعث کئی گھنٹوں کی بجلی بند رکھنے کا شیڈول جاری کر دیا ہے۔
بعض علاقوں میں بجلی کی فراہمی تقریباً 9 سے 10 گھنٹے تک معطل رہ سکتی ہے، جس سے روزمرہ زندگی، کاروباری سرگرمیوں اور آن لائن کام کرنے والے افراد کو مشکلات پیش آ سکتی ہیں۔
کن علاقوں میں بجلی بند رہے گی؟
کے الیکٹرک کے مطابق مرمتی کام مختلف فیڈرز پر مرحلہ وار کیے جائیں گے۔ متاثرہ علاقوں میں 35th Street Kh-e-Khalid، 3H RMU، 51-C Area، 7-A RMU، AB Gases، علی دولت، اللہ نور، امین آباد، کیفے بھنگوریا، کوسٹل اسٹریٹ، ڈیفنس فیز 7، ڈی ایچ اے گالف کلب، ڈی ایچ اے فیز 8 (S/S-14)، ایمبیسی ولا، ایکسٹینشن RMU، گلوب سینٹر، گوہر گرین سٹی، گل ٹیلی فون ایکسچینج، گلستان CHS-1، گلشنِ فیصل، اقبال پلازہ، جمالی برج، جمعہ بلوچ، کمال پارک، کاظم آباد RMU، خرم آباد، کے این سٹی، کورنگی چڑیا گھر اور لانڈھی بی شامل ہیں۔
اس کے علاوہ لاسی RMU، ملیر کالونی “C”، مسجدِ قباء، محکمہ موسمیات، ایم جی انڈسٹریز RMU، ملا عیسیٰ گوٹھ RMU، این ایم پولٹری فارم، ناگوری ہسپتال RMU، نیرنگ سنیما، نیوی ہاؤسنگ اسکیم، این ای ڈی RMU، پی اے ایف ملیر کینٹ، پنک پارک RMU، پول نمبر 56 RMU، پرائم پیک، روٹی پلانٹ، سیفی فاؤنڈیشن، شاہین گرڈ RMU، شاہ ولی اللہ، سلور ٹاؤن، سووینئر ٹوبیکو، سلطان پلازہ، تصویر محل، ٹوڈیز ریسٹورنٹ، ٹریٹمنٹ پلانٹ، ٹرک اسٹینڈ اور ووکیشنل انسٹیٹیوٹ بھی بجلی کی بندش سے متاثر ہوں گے۔
شہریوں کو کن احتیاطی تدابیر کی ضرورت ہے؟
چونکہ بجلی کی بندش کئی گھنٹے جاری رہ سکتی ہے، اس لیے شہریوں کو چاہیے کہ وہ اپنے موبائل فون، لیپ ٹاپ اور دیگر ضروری آلات پہلے سے چارج کر لیں، اسی طرح گھروں اور دفاتر میں بجلی سے چلنے والے اہم کام مقررہ وقت سے پہلے مکمل کر لینا بہتر ہوگا، اگر کسی کو طبی آلات یا مسلسل بجلی کی ضرورت ہے تو متبادل انتظام پہلے سے کرنا دانشمندی ہوگی۔
مزید برآں، کاروباری مراکز، دکانوں اور چھوٹے صنعتکاروں کے لیے بھی یہ بندش وقتی مشکلات پیدا کر سکتی ہے، خاص طور پر ان علاقوں میں جہاں بجلی پر انحصار زیادہ ہے۔
کے الیکٹرک کا مؤقف
کے الیکٹرک کا کہنا ہے کہ یہ مینٹیننس شٹ ڈاؤن بجلی کے نظام کو بہتر اور محفوظ بنانے کے لیے کیا جا رہا ہے۔ کمپنی کے مطابق مرمتی کام مکمل ہوتے ہی متاثرہ علاقوں میں بجلی کی فراہمی بحال کر دی جائے گی۔ تاہم شہریوں سے اپیل کی گئی ہے کہ وہ اس دوران پیشگی منصوبہ بندی کریں اور کسی بھی غیر متوقع صورتحال کے لیے تیار رہیں۔
عوامی ردعمل
کراچی میں طویل دورانیے کی بجلی بندش کا اعلان سامنے آنے کے بعد کئی شہریوں نے تشویش کا اظہار کیا ہے ، گرمی کے موسم میں کئی گھنٹے بجلی نہ ہونے سے گھریلو صارفین، طلبہ، فری لانسرز اور کاروباری افراد کو مشکلات کا سامنا کرنا پڑ سکتا ہے۔
دوسری جانب توانائی کے ماہرین کا کہنا ہے کہ اگر مرمتی کام بروقت مکمل ہوں تو مستقبل میں بجلی کے نظام کی کارکردگی بہتر ہونے اور غیر اعلانیہ خرابیوں میں کمی آنے کا امکان بھی بڑھ جاتا ہے۔
By 
